Thusawi Dân Tûr Entîrna

December Thla Inrinni Hmasa Bera Bible Zirna Neih Ṭanna Tûr

“Vawiin chu thu pawimawh tak sawiho tûrin chhûngkaw tinte kan tlawh a. Nu leh pa tam tak chuan an fate chu thlarau lama mi puitling tak nihtîr an duh a ni. Nu leh pate chuan an fate chu Pathian hmangaih tûrin an zirtîr tûr nge ni a, anmahniin an zir chawp zâwk dâwn? tih i ngaihtuah ngai em?” A chhânna nghâk rawh. In neituin he mi chungchâng sawiho duhna a lantîr chuan, December 1 chhuak Vênnainsâng a hnung lam kâwm chu hmuh la, zawhna hmasa ber hnuaia thu awmte chu sawipuiin, Bible châng târ lan pakhat tal chu chhiarpui ang che. Magazine chu pe la, a dawta zawhna awm chu sawiho leh tûra tlawh leh tûrin ruahmanna siam bawk ang che.

Vênnainsâng December 1

“Mi tin deuh thaw hian Pathian chungchângah ngaih dân kan nei ṭheuh tih kan hria a. Eng nge i ngaih dân? Mi a tam zâwk chuan Pathian chu leilung pianken chakna thahrui angin nge an thlîr a, anmahni ngaihsaktu ṭhian angin an thlîr zâwk? [A chhânna nghâk rawh.] Pathian chuan amah nêna eng ang inlaichînna nei tûrin nge min duh tih chungchângah Bible châng pakhat ka hmuhtîr thei che ang em? [In neituin rem a tih chuan Jakoba 4:8a chhiar rawh.] He magazine hian Pathian hnaih lehzual tûra kan tih theih thil pathum a târ lang a ni.”