Thiam Taka Zirtîr Tûrin Inbuatsaih A Ngai

A lo berah pawh ṭum hnih lai chu Isua hnênah chatuana nunna chungchânga zawhna zawh a ni a; mahse, a zâwttute mamawh dân azirin a chhânna chu a siamrem a ni. (Lk. 10:25-28; 18:18-20) Chuvângin, Bible zirpuinaa kan hman lehkhabua thu awmte kan hre bel hle chung pawhin, kan Bible zirpui chu rilrua vawng rengin ṭha takin kan inbuatsaih tûr a ni. Eng thute nge hriatthiam harsain, pawm harsa a tih ang? Eng Bible chângte nge kan chhiarsak ang? Eng zât nge kan zirpui ang? Kan Bible zirpuiin a thuzirte hre thiam tûra ṭanpui nân entîrna hman tûr, hrilhfiah dân tûr, a nih loh leh zawhna zawh tûrte chu kan inbuatsaih a ngai thei ang. Chu bâkah, an thinlunga thutak chi ṭhantîrtu chu Jehova a nih avângin, kan inbuatsaihna chungah te, kan zirpui chungah te, leh thlarau lama hma sâwn tûra theih tâwp chhuaha kan ṭanpuina chungah te Jehova malsâwmna kan dîl tûr a ni.—1 Kor. 3:6; Jak. 1:5.