In Inneihna Vênghim Rawh

Jehova chuan inneihna thutiam chu a ngai pawimawh hle a. Nupate chu an inpumkhat reng tûr a ni tiin a sawi. (Mt. 19:5, 6) Pathian mite zîngah entawn tlâk nupa hlim tam tak an awm a. Chutih rualin, inneihna ṭha famkim a awm lo va, buainate a lo chhuak ṭhîn. Nupate’n buaina an neih hian awm hranna leh inṭhenna chu buaina chinfelna a ni tih mi tam takte ngaih dân ang chu kan nei tûr a ni lo. Kristian nupate chuan engtin nge an inneihna an vênhim theih ang?

Hêng rahbi pawimawh tak pangate hi ngaihtuah rawh.

1. Inneihna tiderthâwng thei inchhai derna leh nungchang bawlhhlawhna hmanga intihhlimna ang chi thilte hnâwlin i thinlung vêng rawh.—Mt. 5:28; 2 Pet. 2:14.

2. Pathian nêna in inṭhianna chu tinghet la, in inneihnaa amah tihlâwm i duhna chu tipung rawh.—Sâm 97:10.

3. Mihring tharin inthuam chhunzawm zêl la, i kawppui nun tlêma tiawlsam thei thil hotê tê chu lainatna nên tihsak ṭhîn rawh.—Kol. 3:8-10, 12-14.

4. Inzah tawnna leh inbiak pawhna ṭha nei reng rawh u.—Kol. 4:6.

5. Nupa inkâra chan tûr tâwk chu inngainatna leh hmangaihna nên inpe rawh u.—1 Kor. 7:3, 4; 10:24.

Kristiante’n inneihna an chawimawi hian inneihna Dintu Pathian Jehova an chawimawi.

‘CHHEL TAKIN KAN TLAN’ TUR A NI—INTIHSIAKNA DAN ANGA BEIIN, TIH VIDEO EN HNUAH A HNUAIA ZAWHNATE HI CHHANG ANG CHE:

• 

  Inneihna chu ṭha taka bul ṭan ni mah se, eng harsatnate nge lo chhuak thei?

• 

  Engtin nge Bible thu bulte’n an inneihnaa hmangaihna awm lo anga inngaite chu a ṭanpui theih?

• 

  Inneihna chungchângah Jehova’n eng dânte nge a zam?

• Inneihna hlawhtling nei tûrin nupate chuan eng nge an tih ngai?