Én xi fitsʼiani

ÑAKI kʼoakoan jmeni xi tso xo̱n jebi. Ya kitjoetʼani je xo̱n xi nʼio chjíle xi kijna i̱ Sonʼnde, je Biblia. Kui bʼéyanajmí xi tʼatsʼe Sonʼnde saʼnda nga kisinda Niná saʼnda nichxin xi tiyoa ndʼaibi. Saʼnda kʼoeyanajmíli jmeni xi sʼin Niná nichxin xi nroaján.

Xo̱n jebi tsjoá jngoli kjoafaʼaitsjen jmeni xi nroatʼa Biblia. Kui kuitsoyali tʼatsʼe chjota xi nroatʼa Biblia kʼoa jmeni xi kisʼin. Kʼoati bakó je kjoachoya xi tsjoále Niná je chjota nga koa̱n koatio ngantsjai nichxin i̱ Sonʼnde nga je sonʼndenaxó koa̱n.

Jngo siento kao xjaʼaonjngo kjoaʼmiya nroatʼa xo̱n jebi. Jin jtín mani je kjoaʼmiya xi nroatʼa. Nga jngó jngó jtín jñani fitsʼiani kʼoatso choaná jmeni xi tínchjani ngayeje. Fi chʼin chʼin nga bʼéyanajmí jmeni xi koan. Kui jebi xi koasenkaoli nga kataʼyai kʼiáni nga kʼoakoan.

Nga jngó jngó kjoaʼmiya choa ñʼai én xi nroatʼa. Nʼio nkjín xtiʼndí xi koa̱nle nga jesoa kʼoexkia. Je xi xijchá ma skoení nga nʼio tsjoa koa̱nle je xtiʼndíle nga nkjín kʼa kʼoexkiale kjoaʼmiya jebi. Nʼio nkjín koya xi naskánatjín nroatʼa xo̱n jebi, xi koa̱ntsjoake je xi sʼa xti kao je chjota jchínga.

Jña fetʼani nga jngó jngó kjoaʼmiya ya nroatʼa jña kitjoetʼani Biblia. Kʼoasʼin tjasjaijin kʼoa tʼexkiai.