Kjoaʼmiya 9

¿ʼYáni xi miyo le Niná?

Jesukristo ʼNdi le Jeobá ni, kʼoa miyo nda le, kʼoa xi nʼió sa tsjoakie. Kʼianga kjie jo chjota sʼin faʼaikʼiejna jin sa Jesús i Soʼnde, ya tsakʼejna ngʼajmi; jngo chjota xi espíritu koan xi nʼió tse nganʼió kisʼe le (Juan 17:5). Jaʼai i Soʼnde nga kitsoya le chjota xi ñaki kjoakixi xi tʼatsʼe Niná (Juan 18:37). Kʼoati kitsjoa ntjai kjoabijnachon xi kisʼe le i Soʼnde nga tsakʼasjentjai xi tʼatsʼe jée kʼoa kao kjoabiya je chjota xi sítjoson (Romanos 6:23). Nichxin jebi, Jesús je Rey tíjna xi tsʼe Reino le Niná. Je Reino le Niná jngo chjotaxá xi tsʼe ngʼajmi xi ʼnde naxó sikao Soʼnde (Apocalipsis 19:16).

Ngatsʼi ánkjel kʼoati miyo le Niná. Ngatsʼi ánkjel likui jo chjota Soʼnde sʼin tsakʼetsʼiakao kjoabijnachon le. Ya ngʼajmi kisinda Niná kʼianga kje sa sinda jin Soʼnde (Job 38:4-7). Miyón ánkjel tjín (Daniel 7:10). Miyo le Niná jebi ya tjió ngʼajmi; kui xi me le nga katama le chjota xi ñaki kjoakixi xi tʼatsʼe Jeobá (Apocalipsis 14:6, 7).

Niná kʼoati tjín le miyo i Soʼnde: testigo tso le. Jngo testigo kʼoatso ngixkon chjotaxá jme xi tjínjin le xi tʼatsʼe jngo chjota kʼoa tsa jme kjoa ni. Je testigo le Jeobá kʼoatso le chjota jme xi je be xi tʼatsʼe Jeobá kao jme xi tjínkon (Isaías 43:10). Joni tsa ánkjel, jé Testigo me le nga koasenkao li nga katamajin li xi ñaki kjoakixi xi tʼatsʼe Jeobá. Kʼoati me le nga miyo le Niná koain.