Ánni nga si̱ndosinsíñá jotso je Biblia

Je xo̱n xi nʼio ʼyale i̱ Sonʼnde kui je Biblia. Ánni. Kuinga mangósoán je chjota xi faʼaitʼa. Kui tsoya jme kjoa xi jaʼatojin, josʼin tsakatiokao chjota xi ngikʼa kʼoa josʼin tsakatio ngixko̱n Niná. Jmeni xi tjítʼa Biblia nʼio basenkaoná. Je én xi síchjén Biblia alikui ñʼai tíjna, kuinga ma faʼatoyasíni xi kjaʼaí én. Nkjín siento én tífaʼatoya kʼoa kuinga kjimajinsínile je chjota tojñani tsʼe kʼoa tojme nóni nga tjíobatio. Xi ijngosani, je kjoafaʼaitsjen xi faʼaitʼa Biblia machjén ngantsjai.

Tonga xi ngisasa chjíle, kuinga je Biblia tʼatsʼe Niná tínchja̱ni kʼoa kʼoatso nga tsʼe Niná je én xi nya. Yaa faʼaitʼa je jaʼaínle Niná, jokjoan, jme xá tsakʼéndani je Sonʼnde kʼoa jme xá kisindani je chjota. Kʼoati nchja̱ni jokji tse nga tíbʼétʼale Niná je Na̱i, tonga kʼoati tso josʼin kuichotsjoá kjoa jebi. Kʼianga kʼoéxkiaa je Biblia, alikui koa̱n tongini nga kjaʼaísʼin si̱kjaʼaitsjeen, nga̱ tsa kʼoasʼiaan ngisa ñʼai koa̱nná nga sʼe̱ná kjoamakjain kao kjoachoya.

Je kjoafaʼaitsjen xi nya ya Biblia ali jña koa̱nsjainá jñani xin. Tobʼelañá, kʼoatsoná jokjoantjínni tʼatsʼe kjoachjonangi jebi:

• Jñáni jaʼaiñá kʼoa ánni nga kjoañʼai chjaʼasíñá

• Jmé xi kisʼin Niná nga tsakʼasjentjai chjotasonʼnde

• Jméni xi kisʼin Jesús xi totʼatsaan

• Jmé xi koa̱nle Sonʼnde kao chjota nichxin xi nroaján

Chótʼai je kjoaʼmiya xi faʼaitʼa rebista jebi ánni nga jchasíni jme xi tínchja̱ni je Biblia.