Jméni xi tínchja̱ni je Biblia

Jmeni xi tjín ya ngʼajmi kao i̱ Sonʼnde jé kisinda je Niná xi tsín matsen. A ñaki tjínjngo tokuin ji nga kʼoakoan. Tjínkʼa chjota xi tsín makjainle. Jósʼin kuinyakoaa je chjota jebi nga katabe nga tjín xi kisinda ngayeje tsojmi xi tjín kʼoa nga kʼoati si̱tajaa kjoamakjainná tsanda ñá. Kui chótʼayá i̱ kjoaʼmiya jebi.

Je Biblia kʼoatso kʼianga je xi chjotale Cristo ma tjínnele nga choʼndale Jeobá koa̱n. Kjoaʼmiya jebi kui bakóya jmeni xi kisʼin je xi choʼnda koan nichxin kjoatse jotjínni Kjoatéxomale Moisés. Kʼoati bakóyaná josʼiaan nga tsín choʼndale sikaoná je Na̱i kʼoa kao jmeni xi chonle sonʼnde. Kʼoa bakóyaná josʼin basenkaoná nga ñaki kixi nixálee Niná.

Kʼianga nyaon nyaon bʼexkiaa je Énle Niná kʼoa nikjaʼaitsjenjiaan ngisa masaná josʼin bʼetsʼoalee je Niná. Je xi títjon kjoaʼmiya kui bakóyaná je kjoabʼetsʼoa xi tsakʼéjna je chjota levita kʼianga tsakʼétsʼoantjai je naxinandá. Je xi majaoni kjoaʼmiya kui bakóyaná nga kʼoasʼiaan jmeni xi kitso Jesús nga tsakʼétsʼoa. Nga jao kjoaʼmiya jebi kui koakoyaná jokji chjíle nga kui títjon si̱kʼéjnaa je xále Jeobá tikʼoajinni tsaan.