Je kjoachʼanacha kijnajtsa ngakjijnda Sonʼnde

Machjénní nga si̱kjaʼaitsjejiaan jmeni xi tísʼín Jeobá xi tʼatsaan kʼoa kʼoailee kjoanda. Tsa kʼoasʼiaan skaaná je kjoa xi kuitjátojiaan. Je testo xi tsʼe nó 2015 kui sikjaʼaitsjenjinná nga kʼoee kjoanda.

Kjoaʼmiya jebi kui koakoyaná ánni nga tjínnesínile koanngián kʼianga kjoaʼaítsjenya kjoabiyale Cristo. Kʼoati koakoyaná jmeni xi tsoyanile je nioxtila kao bino. Kʼoa koakoyaná jomani be xi kjien je nioxtila kʼoa ʼbi je bino nga tjínnele kʼoasʼin. Xi ijngosani, koasenkaoná nga tongini kuiyondalee je Kjoabichile Nainá.

Je xi jechixan tjínnele sikuinda kjoabixanle tʼatsʼe jmeni xi chonle Na̱i kao sonʼnde xi kjinentsja. Koaan nda koatio xi jechixan kʼianga je Jeobá sijéle nganʼio. Je xi títjon kjoaʼmiya aon koya koakoyale xi jechixan xi koasenkao nga nʼio kʼoéjna kjoabixanle. Xi majaoni kjoaʼmiya, kui kuitsoya josʼin sikuinda kjoabixanle.

A koaan nga ñaki tsjoake koa̱n xínkjín jngo chjoón jngo xʼin. A tsjoake koa̱n xínkjín tokʼia saʼndani. Jósʼin koako nga tsjoake xínkjín. Je libro El Cantar de los Cantares kui tínchja̱ni nga tjín xi ñaki kjoatsjoacha ʼmile kʼoa nga tse male.