Isʼin faʼaitʼa

Nkjín chjota xi kui makjáojinle nga nda koatio ngixko̱n chjota. Je kjoaʼmiya jebi kui kuitsoyaná ánni nga nʼio chjínile nga kui kjoásjee nga ndasʼin kuiyoaa ngixko̱n Jeobá. Kʼoati jchaa josʼin bakóná je Jeobá nga kuenta sʼínná. Saʼnda tiñá tsín majin sakʼoaniná josʼin bakóná je Jeobá nga kuenta sʼínná.

I̱ kjoaʼmiya jebi, kui jchaa ánni nga tsín koan jaʼasʼenni je Moisés ya ʼNde jñani tsakʼinle nga kʼoaile. Kʼoati jchaa jósʼiaan nga tsín kʼoati katamaa tsanda ñá.

Jé Jeobá xi nainá mani ngatsʼiaa. Kuinga kui síjéni nga toje sʼe̱tsʼoale. Tjínkʼa je chjota xi kʼoatso nga kixi fitʼale, tonga likui sítjoson je kjoatéxomale. Je xi títjon kjoaʼmiya kui kuitsoyaná jméni xi bakóyaná jokisʼin je Caín, Salomón, Moisés kao Aarón. Je xi majaoni kjoaʼmiya, kui kuitsoyaná jósʼin koakoá kjoanda kʼianga naxinandále Niná maa.