Ndsʼee xi sʼa tsakʼejnajinle Cuerpo Gobernante

NGA mixkue tanjio nga 24 sá enero nó 2018, je familia Betel xi tjío ya Estados Unidos kao Canadá kʼoasʼin kisʼejinkon kʼianga je ndsʼee xi Kenneth Cook, hijo ʼmi, jeya tíjnajinle Cuerpo Gobernante xi tsʼe testigole Jeobá.

Je ndsʼee Cook yaa Pensilvania (Estados Unidos) kitsin kʼoa yaa koanjchínga. Kʼiaa tsabe je Énle Niná kʼianga tojeme fetʼale je secundaria, jngoo ti xi ñatjen ki skuela tsakjákaoni je Énle Niná, kʼoa kʼiaa kisʼenngindá nga 7 sá junio nó 1980. Kʼiaa precursor regular sʼin kisixá nga 1 sá septiembre nó 1982. Xi koan jao nóni, kʼiaa kinokjoale ya Betel nga ya sixá. Kʼoa kʼiaa nga 12 sá octubre nó 1984 tsakʼétsʼiakao nga ya Wallkill (Nueva York) kisixá.

Je xi 25 nó jaʼato nga ya Betel tíjna, je ndsʼee Cook nkjín xá kisʼele ya imprenta kao ya Oficina de Betel. Kʼianga nó 1996 kʼiaa chixankao je tichjaa xi Jamie ʼmi, xi kʼoati ya kisixá ya Wallkill. Kʼianga sá diciembre nó 2009, yaa kinikasén ya Centro Educativo de la Watchtower ya Patterson, kʼoa je ndsʼee Cook yaa kisixá ya departamento xi tsʼe Correspondencia de Redacción. Kʼianga sá abril nó 2016, tochoatsee nga ya Wallkill kicho ijngokʼa, nga̱ yaa Brooklyn kinikasén nga jekoanni. Kʼoa aon sá koanskanni, yaa kinikasén ya oficina xi tíjnatítjon ya Warwick. Kʼianga sá enero nó 2017, je ndsʼee Cook yaa kisixákao je Comité de Redacción xi tsʼe Cuerpo Gobernante.