Je xi kjonangi xti... Jósʼiaan nga ñaki nda je miyo xi so̱koná
Kʼianga kisindaná je Jeobá kui xi koanmele nga si̱miyoaa xíngiaa kʼoa nga katasʼená miyo (Prov. 17:17; 18:1, 24). Tonga tsa mená nga kuinyakaoná miyo xi sʼe̱ná tjínnele ndakjoan chjoéjiaan (Prov. 13:20). Kʼianga jechótsenlee je pelíkula xi ʼmi Los jóvenes preguntan... ¿Cómo conseguir amigos verdaderos? si̱jinlee yaoná je kjoachjonangi xi faʼaitʼa ibi.
Xi fitsʼiani
1) Jósʼín jngo xi ñaki miyoná mani.
Kjoa xi bʼéchjoaná nga sokóná miyo
2) Jméni xi koa̱n sʼin tsa ʼyani xi kʼoasʼin síkjaʼaitsjen nga tsín kuenta ma (Filip. 2:4). 3) Ánni nga si̱ndayasíñá yaoná jokjoaan, kʼoa ʼyáni xi koasenkaoná nga kʼoantjaiyaa (2 Cor. 13:11). 4) Jméni xi koasenkaoná kʼianga nkjínsa miyo sʼe̱ná (2 Cor. 6:13).
Nga miyole Niná koaan
5) Jósʼiaan kʼianga koa̱nchriantʼasalee Jeobá, kʼoa jmé kjoanda tje̱nkao tsa kʼoénelee yaoná (Sal. 34:8). 6) Kʼiatsa jemiyoná koa̱n Jeobá, ʼyásani xi kʼoati miyoná koa̱n.
Chjota xi tsín skénndiaaná nga miyoná koa̱n
7) ʼYá chjotani xi tsín nda nga je si̱miyoaa (1 Cor. 15:33). 8) Jósʼin sikitsón kjoamiyo xi tjínná kao Niná tsa je si̱miyoaa je chjota xi chʼao sʼín.
Jngo drama xi bakóchoya jmeni xi ma ndʼaibi
9) Jmé xi bakóyaná jme xi koantʼain Dina (Gén. 34:1, 2, 7, 19). 10) Jósʼin tsakasenngi yaole je Tara nga je kisimiyo xti xi ñatje̱n fi skuela. 11) Jmé kjoa xi me kiskajin nga je kisimiyo je chjota xi tsín nda sʼín. 12) Ánni nga tsín tsabesíni xijchále je kjoa xi jaʼatojin, tonga jósʼin kitsjoanganʼiole nga nda tsakʼejna ijngokʼani ngixko̱n Niná. 13) Jósʼin tsakakó jngo precursora nga ñaki miyole koan je Tara. 14) Jméni xi koanchoyale Tara jme kjoa xi jaʼatojin.
Xi tofetʼani
15) Jméni xi bakóyaná pelíkula jebi. 16) Jósʼin si̱chjén pelíkula jebi nga kuinyakoaa xi kjaʼaí.
Je si̱miyoaa je chjota xi kuinyakaoná nga tosi tonda miyoná koa̱n je Jeobá, nga̱ je kjoamiyo xi tjínná kao Jeobá kuisa xi ngisa nʼio chjíle (Sal. 15:1, 4; Is. 41:8).