Kao kjoatsjoa kuiyondalee nga sʼe̱jna je Kjoabichile Nainá
1. Jósʼe̱ tokoán kʼianga sʼe̱jna je Kjoabichile Nainá.
1 Kʼianga sʼe̱jna je Kjoabichile Nainá nga 26 sá marzo ngisa nʼio tsjoa sʼe̱ tokoán, nga̱ kui nʼio si̱kjaʼaitsjenjiaan josʼin tsakʼasjentjainá je Niná (Is. 61:10). Kʼoa je xi koasenkaoná nga kuiyondalee je Kjoabichile Nainá kuinga sa tsjoa sa tsjoa kʼoé tokoán ndʼaibi. Kataʼyala ánni.
2. Ánni nga tongini bationdasíña je xi machjén nga sʼejna Kjoabichile Nainá.
2 Je xi tongini satíonda nga sʼejna je Kjoabichile Nainá. Kʼianga sʼejna je Kjoabichile Nainá alikui síxkón ma, tonga nʼio tse xi tsoyanile. Tjínnele tongini sa̱tíonda ngayeje xi koa̱nchjén ánni nga tsín jme xi jchajinsíni (Prov. 21:5). Nʼio machjén nga tongini sʼe̱ndajin jñáni sʼe̱jna kʼoa jmé orani sʼe̱jna kʼoa nga tongini katamandachon ánsíni nga tsje chonsíni nga kʼia. Kʼoati machjén nga si̱katíondaa je bino kʼoa kao nioxtila. Kʼoa je ndsʼee xi kʼoakaole nga tsjoá kjoanokjoaya tjínnele nga ndakjoan skótʼayajin. Kʼoa je ndsʼee xi sikatíondaná kʼoa kao xi sikʼatoya je bino kao nioxtila tjínnele nga tongini sa̱kóyale jmeni xi sʼin. Ngayeje jebi jetongini tjíosatíonda. Kuinga tongini biyondañá nga̱ nʼio chjí ʼyatokoán nga kʼoasʼin jaʼaikʼéchjíntjainá Jesús (1 Ped. 1:8, 9).
3. Jméni xi sʼiaan nga tongini si̱kʼéjnandaa je ni̱ma̱ná nga sʼe̱jna je Kjoabichile Nainá.
3 Si̱kʼéjnandaa je ni̱ma̱ná. Tsa tongini si̱kʼéjnandaa je ni̱ma̱ná ngisa nda koa̱njinná ánni nga nʼio chjísínile nga nikjaʼaitsjenyá je kjoabiyale Cristo (Esd. 7:10). Kʼoa kuinga machjénsíni nga chʼa̱sjeʼaa nichxinná nga kʼoéxkiaa jña koa̱nxkia Biblia je xomana nga sʼe̱jna Kjoabichile Nainá kʼoa nga si̱kjaʼaitsjenjiaan jmeni xi kisʼin nga tojeme si̱kʼien. Kʼiatsa si̱kjaʼaitsjenjiaan jme xi kisʼin Jesús kui xi koasenkaoná nga chjénngilee (Gál. 2:20).
4. Jñánile je kjoanichikontʼain xi tje̱nkao je kjoabʼechjíntjaile Cristo xi ngisa nʼio tsjoa bʼé tokuin.
4 Je kjoabiyale Cristo nʼio tse kjoanda tje̱nkao. Tobʼelañá, kui tsakakó nga toje Jeobá xi tiʼndele koatexoma ngʼajmi kao Sonʼnde, kʼoa kisikatíondaíná xi tʼatsʼe jée kao kjoabiya. Kʼoati kiskoʼaiʼndená nga nda kuiyoaa ngixko̱n Niná kʼoa nga so̱koná je kjoabijnachon xi tsínkʼia fetʼa (Col. 1:21, 22; 1 Juan 2:2). Kʼianga nikjaʼaitsjenjiaan je kjoabʼechjíntjaile Cristo kʼoati basenkaoná nga nitjosoán jme xi tsakʼinlee je Jeobá kʼianga tsakʼaitʼalee yaoná kʼoa nga tosi tonda mangíntjenngiaa je choa̱le Cristo (Mat. 16:24). Tojosísʼin tiʼyaa, kʼiatsa tongini kuiyondalee je Kjoabichile Nainá kʼoa koanngián kʼianga sʼe̱jna nʼio tsjoa sʼe̱le ni̱ma̱ná.