Kuinyakoaa je xi chriansʼa kisʼenngindá nga katamatajasa kjoamakjainle

Je Jeobá nʼio tísíchikontʼain je xá xi kjima nga tísʼexkó je chjota xi tsʼe (Deut. 28:2). Nga xki̱ nó tsʼato jao siento jmi basen chjota fisʼenngindá. Kʼianga jekafisʼenngindá jngo chjota tsakui nichxin je ndsʼee xi títsoyale toya tje̱n sikʼéjna kʼianga kjaʼaísa chjota kuitsoyale. Kʼoa tsakui nichxin tijeni xi jekafisʼenngindá kʼoakuitso nga toya tje̱n kataʼmiyale ánni nga ngisa tse nichxin sikʼayasínile nga kuitsoyason. Tonga je xíngiaa jebi machjénní nga nʼio katasatío kjoamakjainle. Tjínnele nga je “Cristo xi nʼio [koatio]kao” kʼoa nga taja sa̱tío kjoamakjainle (Col. 2:6, 7; 2 Tim. 3:12). Kuinga machjénsíni nga je xíngiaa xi chriansʼa kisʼenngindá nga tosi tonda sa̱kóyale je libro Jmé kjoanni xi bakóya je Biblia kʼoa kao je libro “Kjoatsjoachale Niná” saʼnda nga kjoetʼale nga jao (chótʼai Nuestro Ministerio del Reino xi tsʼe sá abril nó 2011, pájina 2).