Isʼin sa̱tío kjoajtín je xomana xi fitsʼiani 29 sá diciembre

Kjoajnda 27 kao kjoabʼetsʼoa

Nga chotʼaya Biblia

bh kj. 12 párr. 1-9 (30 min.)

Skuela xi síchjine choʼndale Niná

Jña koa̱nxkia Biblia: Josué 12-15 (10 min.)

Nga chotʼayajin ijngokʼa xi faʼa ya Skuela (20 min.)

Kjoajtín xi tsoyaná josʼin si̱xálee Niná

Xi kuinchja̱ni sá jebi: Kʼoailee xi ngikʼa je “tsojminda” xi tjíojin je tsojmichjí xi kisʼenená (Mateo 12:35a, Traducción del Nuevo Mundo [TNM]).

Kjoajnda 89

20 min. Choa choa kʼuínyalee je “tsojminda” xi faʼaitʼa Biblia je xi bʼailee estudio kʼoa kao xtiʼndí (Mat. 12:35a, TNM). Tinókjoayai kʼoa chjónangikaoni. Tichjain je testo jebi nga takoyai jmeni xi tjínnele sʼin je xi bʼailee estudio kʼoa kao xtiʼndí: 1 Corintios 13:11; 1 Pedro 2:2, 3. Kʼoasi jósʼiaan nga nʼio katamamená je “ndáchiki” xi tsʼe Énle Niná. Takoyai je kjoafaʼaitsjen xi faʼaitʼa ya Marcos 4:28, TNM. (Chótʼai je Xo̱n xi Bájinkonná xi tsʼe 1 sá diciembre nó 2014 p. 14, 15 párr. 6-8.) Chjónangilai tsa jngo publicador kʼoa tsa jngo nʼai nga katabʼéyanajmí jósʼin tsakasenkao jngo xi kitsjoale estudio kʼoa tsa je tiʼndíle nga sa nda sa nda kisixále Niná (Efes. 4:13-15; chótʼai je xo̱n Xá xi nʼia tʼatsʼe Niná xi tsʼe sá mayo nó 2014, ya jñani “Xi sakʼoa chjonangiaa” tso).

10 min. “Kʼoee je tsojminda xi tjínná kʼianga faʼaikonná je ndsʼee (Mat. 12:35a, TNM).” Tinókjoayai kʼoa chjónangikaoni. Jmé kjoanda xi tjíosokóle xíngiaa nga kʼoasʼin nda sísinle je ndsʼee. Chjónangilai je xi tjíobasen jósʼin koa̱n nda chjoéyaa je xíngiaa, kʼoa ngisa je xi tokui xále Niná tjíosʼín. Kʼoasi josʼin tjínndajin ya jinjtín nga masinle je xi bichótsjoá je kjoanokjoaya.

Kjoajnda 124 kao kjoabʼetsʼoa