Je Énle Niná tjínle nganʼio, nʼio nda si̱chjén kʼianga ʼmiyasoán

Kʼianga jngo chjota nrʼoéná kʼianga ʼmiyasoán, ñaki yakjoan Biblia bʼexkianilee je testo xi chjakaonajmíñá. Ánni. Kuinga ʼyaa nga je Énle Niná nʼio tjínle nganʼio. Kʼianga kisʼejnaná je kjoajtíntse xi jngo nichxin je nó xi jaʼato je superintendente xi tsʼe circuito jngo kjoanokjoaya kitsjoa xi tsakʼin “Usemos al máximo el poder de la Palabra de Dios en el ministerio”. Kʼoa kui nʼio kinchja̱ni nga yakjoan Biblia kʼoéxkianilee testo je chjota. Chótʼayajinla kʼaa jmeni xi nʼio kinchja̱ni kjoanokjoaya jebi.

• Ánni nga ngisa nʼio tjínnile nganʼio je énle Jeobá tikʼoajinni tsaan (2 Tim. 3:16, 17).

• Ánni kʼoabixónsíñá nga jmeni xi tso je Biblia tsaojin je ni̱ma̱ná, síkʼantjaiyaa jotjín kjoafaʼaitsjenná, kotʼajin jotjío tokoán kʼoa basenkaoná nga kixi mangínkoaa yaoná (chótsenlai je rebista La Atalaya xi tsʼe 15 de junio de 2012, pájina 27 párrafo 7).

• Kʼiatsa jngo testole Biblia kʼoéxkiaa kʼianga ʼmiyasoán, jósʼin si̱kʼaxki̱lee chjota je Biblia nga tsín tokjoaská katabekon (chótsenlai je libro Benefíciese pájina 148 párrafo 3, 4 kao xo̱n Xá xi nʼia tʼatsʼe Niná xi tsʼe sá marzo nó 2013, pájina 8 párrafo 8).

• Kʼiatsa jngo testole Biblia kʼoéxkiaa kʼianga ʼmiyasoán, ánni nga nʼio chjísínile nga kʼuínyalee chjota josʼin tínchja̱ni kʼoa nga si̱choyalee. Jókoa̱n sʼiaan (Hech. 17:2, 3; chótsenlai je libro Benefíciese pájina 154 párrafo 4 saʼnda pájina 156 párrafo 5).