Jósʼiaan nga ndasa kʼuínyasoán: jósʼin kʼuínyalee je chjota xi kjaʼaí én male

Ánni nga nʼio chjísínile nga kʼoasʼiaan. Je Jeobá kui xi mele nga sa̱kóyale Énle je chjota xi tjín ngakjijnda Sonʼnde (Hech. 10:34, 35). Je Jesús kʼoakitso nga je énnda chjotse sa̱kóyason “ngakijnda sonʼnde” kʼoa kʼuínyale “ngatsʼi naxinandá” (Mat. 24:14). Kʼoa je profeta Zacarías tongini kʼoakitso nga je chjota xi koa̱nkjainle yaa kjuinroani “ngayeje én xi nokjoa ngakjijnda naxinandá” (Zac. 8:23). Kʼoa jngo sén kisakole je pastro Juan tʼatsʼe je chjota “xi tsʼe ngatsʼi ʼnde, kao ntje̱, kao naxinandá, kao én” xi kjoaʼatojin tjínkon je kjoañʼai xi nʼio tse (Apoc. 7:9, 13, 14). Jebi kui xi bakóná nga kʼoénelee yaoná nga chja̱koaa Énle Niná je chjota xi tsaojiaan ya territorioná xi kjaʼaí én male.