Je Job kʼoakitso jokji kjoañʼai tíjnajin

Ninga tokʼoasa kisʼe je Job, nga kjoaba tsakʼejnajin kʼoa nga kisokochʼinle, ñaki kixi koan. Je Na̱i tsakásjaile nga yátsʼi̱n katabasén je Job nga sa nʼio sa nʼio katasíkinroajen kon. Jan mani chjota kichonrʼoe xi joxi ba tjíole tsanda je sʼin koantsen, kʼoa nga jeñato nichxin tjíokao, tojyó tsakatio alikui kisinʼio kon je Job. Kʼoa xijekoan, nga jan chjota xokjoan toxkia ai én tsakjákao je Job.

Je Job kixi kitʼale Jeobá ninga nʼio tse kjoa jaʼatojin

6:3; 7:16; 9:20-22; 10:1, 12

• Je Job nʼio tse kjoañʼai tsakjaʼá kʼoa chan tsín titsabeni jmeni xi kitso. Tobʼelañá, kʼoasʼin kisikjaʼaitsjen nga tsín kuenta sʼín Niná tsa si̱tjosonlee kʼoa ni mai.

• Kʼianga chan kichobele alikui kui kisikjaʼaitsjen tsa kjaʼaíni xi kjoañʼai títsjoále.

• Ninga nʼio tse kjoaba tsakʼejnajin je Job, kʼoakitsole nga jan chjota xi to én tsakáne jokji tsjoake je Jeobá.