Je Biblia kʼoatso jokjoan jngo chjoón xi nʼio nda sʼín

Ya kapítulo 31 xi tsʼe Proverbios kui faʼaitʼa je én xi nʼio chjíle xi kitsole je male rey Lemuel. Kui kjoafaʼaitsjen kitsjoale nga jngo chjoón xi nʼio nda sʼín katabásjai.

Jngo chjoón xi nʼio nda sʼín kixiní

31:10-12

• Kʼianga jme xi kjoéjin je familiale ngasin nganda kʼoatso josʼin síkjaʼaitsjen kʼoa alikui nʼio bʼejna.

• Je xʼinle be kʼianga kui xi ndatjín skoéjin kʼoa alikui bʼénele nga tojé kasíjékjoayejele jmeni xi sʼin.

Jngo chjoón xi nʼio nda sʼín nʼio síxá

31:13-27

• Chja̱ʼa síkao je tao̱n kʼoa tomanile jmeni xi tjínle, ánsíni nga tsje kʼoa nda kjoáyoni je familiale kʼoa nga tsín ñʼai katamale xi ski̱ne.

• Nʼio síxá kʼoa síkuindaa kao nichxin kao nitje̱n je familia.

Jngo chjoón xi nʼio nda sʼín mandosinle xi tʼatsʼe Niná

31:30

• Niná síxále kʼoa bʼénele yaole nga nda katabʼéjna ngixko̱n Niná.