“Je xʼinle nʼio ʼyale ya jchxo xo̱ntjoale naxinandá”

Jngo chjoón xi nʼio nda sʼín nʼio nda bʼaxki̱ je xʼinle. Nichxin nga tsakʼejna je Rey Lemuel, jngo chjota xi nʼio nda sʼín je chjoónle nʼio nda tsaʼyale “ya jchxo xo̱ntjoale naxinandá” (Pr 31:23). Nichxin xi tiyoaa ndʼaibi, je xi chjotajchínga sʼin tjío kʼoa kao je xi siervo ministerial ma, nʼio ʼyaxkón. Kʼiatsa jechixan, kʼianga nda kuitjosonle xá jebi ya jinjtín kui xi kuitsoni josʼín je chjoónle kʼoa tsa tsjoánganʼiole (1Ti 3:4, 11). Jngo chjoón xi nʼio nda sʼín nʼio bechjí je xʼinle kʼoa kʼoati nʼio ʼyachjí ya jinjtín.

Jngo chjoón xi nʼio nda sʼín, jósʼin basenkao xʼinle nga katabitjosonle je xá xi kjinele ya jinjtín

• Tsjoánganʼiole kao én xi naskátso (Pr 31:26).

• Machoyale nga je xʼinle tjínnele nga sikʼayale nichxin je jtín (1Te 2:7, 8).

• To manile josʼin tísíjchá yaole (1Ti 6:8).

• Alikui kjonangile xʼinle jmeni xi tsín ʼya xi koa̱n sʼe̱jinle xi tʼatsʼe je jtín (1Ti 2:11, 12; 1Pe 4:15).