JONʼIA XI CHJOTALE CRISTO MAA
Jon xi sʼa xtio títjoʼaiʼndeno nga tsesa si̱xálao Niná ndʼaibi
Sakʼoaa kʼoasʼin nikjaʼaitsjeen nga tsínkʼia koa̱njchíngaa kʼoa nga tsínkʼia kʼoetʼaná je kjoañʼai xi tjenkao nga majchíngaa (Ec 12:1). Kʼiatsa sʼa xtiaa, a tiyondañá nga tsesa xá kuichotjenngiaa, jolani, tsa ñaki to xále Niná sʼiaan.
Je “xi tsín choyalee faʼaine ngatsʼi chjota”, ninga je xi sʼa xti (Ec 9:11). Alikui ʼyaa “jme xi koa̱n nyaonli jngili” (Snt 4:14). Kʼoa kuinga tsín koa̱n kʼoakuixoán nga skanlani kʼoasʼiaan je xále Niná. Títjoʼaiʼndená nga tsesa si̱xálee Niná ndʼaibi (1Co 16:9). Kʼiatsa kʼoasʼiaan, alikui skan kʼoakoa̱nniná.
Xi koa̱n kuichotjenngiaa.
Koaan tsa kjaʼaí én kʼuínyasoán.
Koaan tsa precursor sʼin si̱xá.
Koaan koanngián skuela xi satío xi tsʼe Niná.
Koaan kʼoainganʼioá jña sʼenda Ndʼia jña chotʼayá.
Koaan tsa ya Betel si̱xá.
Koaan tsa superintendente xi tsʼe circuito sʼin si̱xá.