“Tangínmiaa ya nindole Jeobá”

“Nga kuichokjetʼa nichxin”

Kui je nichxin xi tiyoaa ndʼaibi.

“Je nindo xi tíjnason niʼyale Jeobá”

Kui jokji tsje tíjna je naxinandále Jeobá.

“Yaa kuicho ngatsʼi naxinandá”

Kuinga jtín tjío je xi ya tjíojin je relijión xi kixi.

“Nroáo, tangínmiaa ya nindole Jeobá”

Kuinga je xi ya tjíojin relijión xi kixi kʼoatsole je chjota nga ya katafaʼaikatiojinle.

“Jé koakoyaná tʼatsʼe ndiaale, kʼoa yaa kuitsomayaa ndiaale”

Kuinga Énle síchjén Jeobá nga bakóyaná kʼoa nga basenkaoná nga ya kuitsomayaa je ndiaale.

“Ni tʼatsʼe kjoajchánjinla tiskótʼayani”

Nga kʼoakitso je Isaías nga nyʼán koatio je naxinandále Jeobá, kui tsakʼéyanajmí nga je ki̱cha̱ kjoajchán to ki̱cha̱ bʼenyi kʼónya. Nga nichxinle Isaías, jñánile ki̱cha̱ bʼenyi xi koanchjén.

“To ki̱cha̱ bʼenyi sikʼóya ki̱cha̱ espadale”

1 Je ki̱cha̱ bʼenyi kui xi bakján nangi kʼoa xi binyáxó niʼnde. Kʼoa tjínkʼa xi cobre kʼoa tsa xi bronce (1Sa 13:20).

“Ki̱cha̱ oso sikʼóya ki̱cha̱ lanzale”

2 Je ki̱cha̱ oso tsakui nichxin nʼio yao kʼoa jngo yá kisʼeya jñani ma ndoaa. Kui koanchjén nga kiti je xka̱totsee (Isa 18:5).