Báyatsjoaa tokoán je kjoachoya xi tjínná

Je kjoachoya xi tjínná kʼoasʼin mangóson joni tsa jngo ki̱cha̱ʼba̱ (Heb 6:19). Kui basenkaoná nga tsín nroajen kjoamakjainná kʼianga jme kjoa bitjatojiaan (1Ti 1:18, 19). Je kjoa xi bitjatojiaan kuinga sakʼoa likui kʼoasʼin bichótsjoá tsa jmeni, tsa ni̱chaa ngayeje tsojmi xi tjínná, tsa jngo chʼin kʼoetʼaná xi tsín ndi̱to̱n maxa̱n, tsa jngo xíngiaa kuiyá kʼoa tsa jmesa kjoa xi kjaʼaínile xi kotʼayakaoná tsa kixi timangíntʼalee Jeobá.

Je kjoamakjain kʼoa kao kjoachoya xi tjínná kui basenkaoná nga tsín nichajiaan je kjoanda xi tsjoáná Niná (2Co 4:16-18; Heb 11:13, 26, 27). Kuinga machjénsíni nga ntsjaintsjai si̱kjaʼaitsjenjiaan jmeni xi tso je Biblia ánsíni taja sʼe̱jnani kjoachoya xi tjínna, ni ya ngʼajmi kʼoa ni i̱ Sonʼnde tjínná kjoachoya. Kʼiatsa kʼoasʼiaan alikui sikinroajen tokoán je kjoa xi bitjatojiaan (1Pe 1:6, 7).

KʼIANGA JECHÓTSENLAI JE VIDEO KJOÁYATSJOAA TOKOÁN TʼATSʼE KJOACHOYA XI TJÍNNÁ, CHÓTʼAYAJIN KJOACHJONANGI JEBI:

• Ánni nga nʼio nda choa̱ tsakʼéjnasíniná je Moisés.

• Jmé xá xi kjinele je xi ngʼajko̱ tjío ya yaniʼya.

• Jméni xi koa̱n chótʼayajiaan kʼianga chotʼayajtían Énle Niná ya niʼyaná.

• Jósʼin basenkaoná je kjoachoya xi tjínná kʼianga chókjoajinná je kjoa xi bitjatojiaan.

• Jméni xi nʼio choyalee.