Jon xi xijchá mao tʼainganʼiolao je xtino

Ngatsʼi xi xijchá ma kui xi mele nga je xtile choʼndale Jeobá katama. Tsa kʼuínyalao saʼnda nga sʼa ʼndí kjoan jmeni xi tsoya je Biblia kuinyakaoño nga kuichotjenngi jebi (Dt 6:7; Pr 22:6). A choa ñʼai tíjna. Mai, tse kjoama̱ sʼengi, tonga tsa kʼoasʼiaon nʼio ndasʼin kuichotsjoá (3Jn 4).

Je José kao María nʼio nda choa̱ tsakatíole je xi xijchá ma, ninga tse kjoama̱ tsakʼéngi kʼoa tse tao̱n kisikje xki̱ nó xki̱ nó ki ya Jerusalén nga kisʼejna je sʼuí Paxko (Lu 2:41). Xi ngisa chjí tsabekon je José kao María kuiní nga kitsoyale je familiale xi tʼatsʼe Jeobá. Ndʼaibi, je xi xijchá ma kʼoati koa̱n kuinyakao je xtile nga nda ndiaa skoé tsa kuitsoyale jokji kʼoakoa̱nle tʼatsʼe Jeobá kʼoa nda choa̱ koatiole (Sl 127:3-5).

KʼIANGA JECHÓTSENLAI JE VIDEO TSAKINYAKAO JE XTILE JOKJI KʼOAKOANLE, CHÓTʼAYAJIN KJOACHJONANGI JEBI:

• Jósʼin nga kui ngisa kitsjoale kjoandosin xále Niná je Jon kao Sharon Schiller, kʼianga kisijchá je xtile.

• Ánni nga tsín tjínnenile tongóson sʼin koatekjáyanile xtile je xi xijchá ma.

• Jósʼin kuinyakao je xtile xi xijchá ma nga kixi koaitʼale je Jeobá kʼianga kjoa kjoaʼatojin.

• Nʼio nkjín koya jmeni xi tsjoáná je naxinandále Jeobá, jñánile xi nichjain kʼianga bisenkoai je xtili nga miyole Jeobá katama.