Ali tiʼmiyajinnilai kʼiatsa tsín síkʼantjaiya yaole je chjota

ÁNNI NGA NʼIO CHJÍSÍNILE: Je chjota tjínnele sichjén je jaʼaínle Jeobá kʼianga kuitjontjai (Ro 10:13, 14, TNM). Alikui tongatsʼi je xi ʼmiyalee Biblia nga sítjoson je kjoatéxomale Jeobá. Kʼianga nda si̱chjén je nichxinná, machjén nga je kuijnyísjee chjota xi ñaki kʼoatjío kon nga sikʼantjaiya yaole tojoni nga nda koatio ngixko̱n Jeobá. Kʼiatsa jetse nga tibʼailee estudio jngo chjota kʼoa tsa tsín síkʼantjaiya yaole tosaa nda nga tsín tikʼuínyanilee kʼoa tosa je kjoásjee chjota xi je Jeobá nchja̱le nga katabatiojin ya naxinandále (Jn 6:44). Kʼianga jekoai nichxin, tsa sikʼantjaiya yaole chjota xi saje tsakʼailee estudio kʼoa koako nga mele tjoéle je kjoabijnachon xi tsínkʼia fetʼa, koaan kʼuínya ijngokʼalee (Hch 13:48).

JÓKOA̱N SʼIAAN:

• Kʼoatʼinlai je xi tibʼailai estudio nga nʼio nda tísʼín nga mele skoe̱ jmeni xi tsoya je Biblia (1Ti 2:4).

• Kʼoatʼinlai nga nʼio tjínle kjoandosin nga kʼoasʼin jmeni xi jekjimajinle (Lu 6:46-49).

• Chótʼayajion je choa̱ xi tsakʼéjna Jesús tʼatsʼe jngo chjota xi na̱xi̱n kojndí kʼoa kʼoatʼinlai nga katasíkjaʼaitsjenjin jméni xi tíbʼéchjoale nga tsín tísíkʼantjaiyani yaole (Mt 13:18-23).

• Ngasin nganda kʼoatʼinlai ánni nga tsín tikʼuínyanilai.

• Kʼoatʼinlai nga kuinókjoalai, nga sakʼoa kʼuínchonlai kʼoa nga kʼoai ijngokʼalai je estudio kʼiatsa sitjoson jmeni xi jekoanjinle.

KʼIANGA JECHÓTSENLAI JE VIDEO, CHÓTʼAYAJIN KJOACHJONANGI JEBI:

• Jósʼin bakó nga nchja̱najmí je xi tíkotʼaya nga tsín kjimataja je kjoamakjainle.

• Jósʼin tsakasenkao je publicador je xi títsoyale nga tjínnele sikʼantjaiya yaole.

• Jósʼin tsakjákaonajmí publicador je chjota jebi, nga kʼoakitsole nga koa̱n skótʼaya ijngokʼa nga koa̱nskanni.