JONʼIA XI CHJOTALE CRISTO MAA
Chjí jchatokoán josʼin tiyoaa ngixko̱n Jeobá
Ñá xi jetsakʼaitʼalee yaoná Jeobá kʼoa xi jetsangínsʼenngindá kui kjoanda tjínná nga miyole Jeobá maa. ʼNdíle tísíchjén Niná nga kjimachriantʼalee kʼoa nrʼoéná nga bʼetsʼoalee (Sl 34:15; Jn 6:44).
Kʼianga tosi tonda si̱kuindaa josʼin tiyoaa ngixko̱n Jeobá, alikui kui kʼoasʼiaan jmeni xi kisʼin je chjota israelita. Tobʼelañá, kʼoakitsole Jeobá nga toje skoe̱xkón tonga xijekoanni, jngo xkóson xi tao̱nsine koanndani tsakʼétsʼoale (Éx 32:7, 8; 1Co 10:7, 11, 14). Si̱kjaʼaitsjenjiaan jebi: “Jósʼian kʼianga kui sʼejnabasenna xi chʼaotjín. Jmeni xi sʼian, a bakó nga ngisa chjí ʼbekoan josʼin tijna ngixko̱n Jeobá”. Jokji tsjoachaa je Jeobá kui xi koasenkaoná nga tsínkui kʼoasʼiaan jmeni xi tsín sasénle (Sl 97:10).
KʼIANGA JECHÓTSENLAI JE VIDEO SI̱KUINDAA JOSʼIN TIYOAA NGIXKO̱N JEOBÁ (COL 3:5), CHÓTʼAYAJIN KJOACHJONANGI JEBI:
Jósʼin tíjna nga xkaiʼa maa.
Ánni nga tsín xkaiʼa katamasíñá kʼoa tsín xkóson kʼoétsʼoasínilee.
Jósʼin mangóson je kjoachajngi kao nga xkóson bʼetsʼoalee.
Ánni nga nʼio tjínnile kjoandosin nga kuenta katasʼín je yánchjínle ndsʼee xi xá kjinele ya jinjtín.