JONʼIA XI CHJOTALE CRISTO MAA
Kui je libro Koaan nda kuiyoaa tichjain nga kuisenkoai chjota nga koa̱nkjainle xi tʼatsʼe Jeobá kao tʼatsʼe Jesús
Je chjota xi sʼa tjíokotʼaya je Biblia machjén nga nʼio katasatío je kjoamakjainle ánni nga nda koationi ngixko̱n Niná (Heb 11:6). Je libro Koaan nda kuiyoaa tsjoáná kjoafaʼaitsjen josʼin kuinyakoaa chjota nga koa̱njinle je Énle Niná. Faʼaitʼa texto, ngotjo majinniná jmeni xi tso, faʼaitʼa kjoachjonangi xi binyakaoná nga nikjaʼaitsjenjiaan, sén kʼoa kao video. Tsa kuinyakoaa je chjota xi tiʼmiyalee nga katasítjoson jmeni xi tso Biblia kʼoa nga miyole Jeobá katama, nʼio satío je kjoamakjainle (1Co 3:12-15).
Tjínkʼa xi kʼoatso nga tsín koa̱n miyole Niná koa̱n nga̱ tsín ñaki xko̱n beni. Kuinga machjénni nga kuinyakoaa nga katabexkon Jeobá kʼoa nga je katasínʼiotʼa.
KʼIANGA JECHÓTSENLAI JE VIDEO TISENKOAI XI KJAʼAÍ NGA KATASʼELE KJOAMAKJAIN XI TʼATSʼE JEOBÁ NGA TICHJAIN JE LIBRO “KOAAN NDA KUIYOAA”, CHÓTʼAYAJIN KJOACHJONANGI JEBI:
Jósʼin ʼyañá nga nda tsakʼejnanda je tichjaa kʼianga kitsjoa estudio.
Jmésa xi kakjonangile je tichjaa je chjoón xi títsjoále estudio kʼianga jekabʼexkia Isaías 41:10, 13.
Jósʼin kabasenkao je video xi kakotsenle kʼoa kao je texto xi kabʼéxkia je chjoón xi tíkotʼaya.
Nkjín chjota xi tsín majinle josʼin tsoyanile je kjoabʼechjíntjai kʼoa tsín majinle nga jngo kjoatjao xi je Niná kitsjoale (Gál 2:20). Kuinga machjénni nga kuinyakoaa nga katamakjainle xi tʼatsʼe kjoabʼechjíntjaile Jesús.
KʼIANGA JECHÓTSENLAI JE VIDEO TISENKOAI XI KJAʼAÍ NGA KATASʼELE KJOAMAKJAIN XI TʼATSʼE JESÚS NGA TICHJAIN JE LIBRO “KOAAN NDA KUIYOAA”, CHÓTʼAYAJIN KJOACHJONANGI JEBI:
Jósʼin ʼyañá nga nda tsakʼejnanda je ndsʼee kʼianga kitsjoa estudio.
Jósʼin kisichjén je ndsʼee ya jñani “Xi koasenkaosali” tso, nga tsakasenkao je chjota xi títsoyale.
Ánni nga nʼio chjísínile nga kʼoetsʼoa je chjota xi estudio tíbʼaile.