Jósʼin basenkaoli Jeobá nga bʼetsʼoalai

Je Biblia kʼoatso nga je Jeobá kinrʼoéle je choʼndale nga tsakʼétsʼoale nichxin kjoatse. Kʼianga tsabe chjota jebi nga kuenta kisʼin Jeobá je kjoa xi jaʼatojin kʼoa nga kinrʼoéle nga tsakʼétsʼoale kui xi tsakinyakao nga nʼio kisationi je kjoamakjainle. Kuinga nʼio tjínnile kjoandosin nga kʼoakʼuínkixilee Jeobá jmeni xi mená kʼoa nga kuenta sʼiaan josʼin koasenkaoná. Je xi kʼoati kuenta sʼiaan kuinga sakʼoa tsínkjoan kʼoasʼin koasenkaoná je Jeobá josʼin mená kʼoa tsa tsʼatone kʼoakji tsjoáná jokji si̱jélee (2Co 12:7-9; Ef 3:20). Kataʼyala kʼa josʼin basenkaoná Jeobá kʼianga bʼetsʼoalee.

• Tsjoánganʼioná, basenkaoná nga chókjoajinná je kjoa xi bitjatojiaan kʼoa nga nʼio sʼejna kjoamakjainná (Flp 4:13).

• Tsjoáná kjoachjine nga nda chjoéjiaan jmeni xi sʼiaan (Snt 1:5).

• Basenkaoná nga koa̱nmená si̱xálee kʼoa nga kuitjosonná josʼin mele (Flp 2:13).

• Sínʼio tokoán kʼianga nikjáojiaan (Flp 4:6, 7).

• Jé ndsʼee síchjén nga tsjoáná jmeni xi machjénná kʼoa nga sínʼio tokoán (1Jn 3:17, 18).

• Basenkao je chjota xi bʼetsʼoantjé (Hch 12:5, 11).

KʼIANGA JECHÓTSENLAI JE VIDEO JÉ JEOBÁ XI NRʼOÉ KʼIANGA BʼETSʼOAA, CHÓTʼAYAJIN KJOACHJONANGI JEBI:

• Jósʼin binyakao je ndsʼee xi chʼin tjínle jotso je ndsʼee Shimizu.

• Jósʼin kjuintjenngiaa choa̱le ndsʼee Shimizu.