JONʼIA XI CHJOTALE CRISTO MAA
Kʼiatsa ʼya xi totaon beli, je Jeobá tinʼiotʼai
Kʼianga ʼya xi totaon bená síkiʼaonná kʼoa alikui nda sʼe tokoán. Tonga tsa kuinókjonlee je chjota xi batiochjoa nga je Jeobá tinixálee likuijin tinda kuiyoñá ngixko̱n Jeobá. Jméni xi koa̱n sʼiaan tsa ʼya xi totaon bená.
Nʼio nkjín xi kui kjoa faʼatojin, tonga jé Jeobá sínʼiotʼa (Sl 18:17). Tobʼelañá, je Ester nʼiojin koan kʼoa kitsoyaa jme xi tíbʼéndajin je Hamán, chjota jebi nʼio tsʼen koan kʼoa totaon tsabe je naxinandále Niná (Est 7:1-6). Tonga nga kjesa bʼéyanajmíjin je Ester, tsakʼejnanchjaan nga tsakakó nga je Jeobá kisinʼiotʼa (Est 4:14-16). Je Jeobá tsakasenkao je Ester kʼoa kitjontjaile yaole je kʼoa kao ngatsʼi naxinandá.
Kʼiatsa ʼya xi totaon beli nga sʼa xti, je Jeobá tinʼiotʼai kʼoa tʼeyanajmílai je mali kʼoa tsa je pali. Jé Jeobá koasenkaoli tojosʼin tsakasenkao je Ester. Jmésa xi koa̱n sʼiain kʼiatsa ʼya xi totaon beli.
KʼIANGA JECHÓTSENLAI JE VIDEO KʼIANGA SʼA XTI: JMÉNI XI KOA̱N SʼIAN KʼIATSA ʼYA XI TOTAON BENA, CHÓTʼAYAJIN KJOACHJONANGI JEBI:
Jméni xi bakóyale je xi sʼa xti je choa̱le Charlie kao Ferin.
Jmé xi bakóyale video jebi je xi xijchá ma.