Si̱kjaʼaitsjenjin ijngokʼá jmeni xi chotʼayá

A ñʼai mali nga sʼejintokuin jme xi chotʼayai. Sakʼoa kʼoama ngatsʼiaa. Tonga xi koasenkaoná kuinga chótʼayajin ngindiaa jmé xi tínchjani xi kachotʼayajiaan.

Kʼianga tichotʼayai tikjaʼaitsjenjin jmé xi bakóyali jñani tibʼexkiai. Je pastro Pablo kʼoakitsole je ndsʼe̱ xi tsakatio nga kui nichxin nga katasíkjaʼaitsjenjin jme xi bakóya je carta xi kiskile. I kitsole: “Jébi xi ngisa nʼio machjén xi tsʼe je kjoabi” (Heb. 8:1). Kʼianga kʼoakitso Pablo ngisaa choa ñʼai koanle ndsʼe̱ nga koanjinle jmeni xi tsakakóyale.

Kʼianga ñandia ñandia chótʼayai, koaan tikjaʼaitsjenjin jmeni xi majinli, koaan tsa te minuto tikjaʼaitsjenjin. Kʼoa tsa tsín faʼaitsjenli jmeni xi kabʼexkiai, koaan ngindia tʼexkiai je subtítulo kʼoa tsa maije̱ koaan tʼexkia ijngokʼai jñani sʼa fitsʼiani nga jngó jngó párrafo. Koaan kʼoasí josʼin kamajinli jmeni xi kachotʼayai. Tsa kʼoasʼiain, sʼe̱jintokonní jmeni xi chótʼayai kʼoa kui kʼuíntjenngi kjoafaʼaitsjen xi tsjoá Énle Niná.