Si̱nʼiojiaan xíngiaa

Kʼianga ya tiyokoaa je ndsʼee ninʼiojinñá, tonga ali tsa tokʼiajin nga kʼoasʼiaan nga ya tiyokoaa. Je Biblia kʼoatso nga “si̱jetakoán xíngiaa” kʼoa nga kuinyakoaa nga nʼio katasatío je kjoamakjainle (Rom. 1:​11, 12). Jméni xi sʼiaan nga si̱nʼiojiaan xíngiaa.

Ninʼiojinñá xíngiaa kao jmeni xi bixoán. Kʼianga kʼoee comentarioná alikui totsaan kjoafaʼaitsjen si̱chjén, tosa kui kuinókjoañá xi tʼatsʼe Jeobá, jmeni xi tso je Biblia kʼoa jmeni xi bakóyaná jokisʼin choʼndale xi tsakatio nichxin kjoatse. Kʼoa kʼianga chja̱kaonajmiá je ndsʼee kui kʼoakʼuínlee jmeni xi sinʼiojin.

Ninʼiojinñá xíngiaa kao jmeni xi nʼia. Binyakao je ndsʼee kʼianga be nga tosi tonda je Jeobá nixálee ninga tse kjoa bitjatojiaan. Kʼoati sínʼiojin je ndsʼee kʼianga be nga tsínkʼia nichaa je kjoajtín nga jinle xomana ninga tse xá tjínná kʼoa ninga chʼin tíbʼetʼaná.

A ninʼiojinní je ndsʼee kao jmeni xi nʼiai kʼoa kao jmeni xi si. Kʼoa a sínʼiojinli jmeni xi tso kʼoa jmeni xi sʼín je ndsʼee.