A kuicho nichxin nga tongóson sʼin jchatokon je chjota ninga xin tsʼe | Jótso je Biblia

Nkjín chjota xi kʼoasʼin síkjaʼaitsjen nga likʼia tongóson sʼin jchatokon je chjota.

• “Nga xínkjín bʼasjengi je chjota xi tjío jngo tjíjtsa Sonʼnde nʼio bʼetʼale je jtín xi tjío, je chjota xi xá tjínle kao xi toxkia chjota. Nga kʼoama, alikui mangóson je chjota” (António Guterres, secretario general de las Naciones Unidas).

A kuicho nichxin nga tongóson sʼin jchatokon je chjota. Jótso je Biblia

Jósʼin bekon Niná je chjota

Ya Biblia kʼoatso josʼin bekon Niná je chjota xi kjaʼaí kjaʼaísʼin tsen yaole.

• Je Niná “tojngo njín kisindani ngatsʼi jko̱ya chjota nga koatio ngakijnda sonʼnde” (Hechos 17:26).

• “Niná tongóson fikao ngatsʼi. Tojñani sonʼnde, je xi tsokjónke Niná, xi sʼín xi kjoakixi, Niná tjaokení” (Hechos 10:34, 35).

Ya Biblia kʼoatso nga tojngo familia maa ngatsʼiaa kʼoa nga tongóson sʼin bekonná je Niná ninga kjaʼaí kjaʼaísʼin tsen yaoná.

Nga xínkjín bʼasjengi chjota, jósʼin sʼe̱ndajin kjoa jebi

Je Chjotaxále Niná xi ya ngʼajmi tíjna, jé kʼoendajin kjoa jebi. Je Chjotaxá jebi kuitsoyale je chjota nga nda koaikao xínkjín kʼoa nga tsín tixínkjín kʼoasjengini.

• I̱ Sonʼnde “je chjota skoee xi kjoakixi” (Isaías 26:9).

• “Je kjoatéxomakixi kjoanyʼán kuichotsjoá, je kjoatéxomakixi nyʼán bʼé tokoán kʼoa tsín jme xi nokjonlee” (Isaías 32:17).

Nichxin xi tiyoaa ndʼaibi, millón mani chjota xi tjíobe jotso Biblia, kjimale tjíobexkón xínkjín kʼoa tsín xínkjín tjíobʼasjengi.

• Tsa mesali jchai xi tʼatsʼe jebi, tʼexkiai xi faʼaitʼa revista ¡Despertad! jñani tso: “¿Tiene cura el prejuicio?”.

• Tsa meli jchai jókoa̱n sʼin je xi xijchá ma nga kui kjoakaoni je ʼndíxtile tʼatsʼe nga xínkjín bʼasjengi je chjota tʼexkiai xi faʼaitʼa je artículo xi ʼmi: “¿Cómo hablar con sus hijos sobre el racismo?”.