¿Án ni nga mʼe sí ni jé chjota?

8 Jeobá Niná kʼoasʼin koan me le tsakai kʼianga jé chjota naskánasichon ngayeje Soʼnde... jngo ʼnde naxó kʼianga tsjoa satio kon ngatsʼi (Génesis 1:28).

Jé chjota koan tsakatiokón ngantsjai nichxin tsa jé la ni Adán kao Eva xi kisitjoson. Kisʼechjoa le nga skine to le yá xi tjín le kjoakjíntokón xi ndatjín kao xi chʼaotjín (Génesis 2:15-17).

9 Jngo ánkjel xi chʼao kisʼin kʼoa jngo ye̱ kisichjen kʼianga Eva kao Adán tsín ti sitjoson ni le Niná (Génesis 3:1-6).

10 Je ánkjel xi tsakʼanacha le Eva ye̱ jchínga [titjon], Na̱i kao Satanás ʼmi (Apocalipsis 12:9).

11 Jeobá tsakʼaonsje jin ya ʼnde naxó nga jngongá nga je tsín kisitjoson (Génesis 3:23, 24).

12 Adán kao Eva kisʼe le xti, tonga likui tsjoa kisatio kon nga jngo niʼya (Génesis 3:17, 18).

13 Tjínne le nga koanjchá kʼoa nga kuiyá, jo kjoan kitsó le Jeobá (Génesis 3:19; Romanos 5:12).

14 Kʼoasʼin kʼien joma tsa cho̱.

Ngatsʼi je xi alma i̱ Soʼnde  mʼeni (Eclesiastés 3:18-20; Ezequiel 18:4).