A chan tjóxin je kjoañʼai xi tjín

JE BIBLIA ITSO

“Niná kʼoejon ngayije ndáxko̱n xi tsʼe xko̱n. Likui tisʼe̱ni kjoabiya. Likui tisʼe̱ni kjoaba, nijejin xi kjiʼndía, nijejin xi aon male.” (Apocalipsis 21:4, Nuevo Testamento en mazateco de Huautla de Jiménez, Oax.)

KJOANDA XI SʼENÁ NGA ʼYAA JEBI

Bakóná nga tsín tsa jejin Niná xosʼín nga kjoañʼai chjaʼá (Santiago 1:13).

Sínʼio tokoán nga be Niná jomaná nga kjoañʼai chjaʼá (Zacarías 2:8).

Bʼéjngo tokoán nga likui tikjoañʼai chja̱ʼañá nichxin xi nroaján (Salmo 37:9-11).

A KOAAN KOA̱NKJAINNÁ JOTSO JE BIBLIA

Jaon. Jaola koya kataʼyaa anni:

• Je Niná likui tsjoake je kjoañʼai kao xi tsín kixi tjín. Jókisʼe kon je Niná kʼianga totaon tsaʼya naxinandále nichxin kjoatse. Ya Biblia kʼoatso nga aon koanle kʼianga totaon tsabe je naxinandá xi kjaʼaí (Jueces 2:18).

  Je Niná nʼio chʼaosʼin be je chjota xi kjoañʼai síkjaʼá xínkjín. Je Biblia kʼoatso nga jtike je chjota “xi njínle chjota xi tsín jme jée tjínle bʼéjten ntsja” (Proverbios 6:16, 17, Traducción del Nuevo Mundo).

• Je Niná kuenta sʼín nga jngó jngó chjota. Je Jeobá kʼoatso nga koa̱n je si̱kʼamiaa ngayeje kjoanikjaojinná, “nga̱ je tísíkuindan[á]” (1 Pedro 5:7).

  Je Chjotaxále Niná jeme kjoaʼaxin je kjoañʼai xi tjíojin nga jngó jngó chjota (Mateo 6:9, 10). Kʼoa jebi nʼio sínʼio kon je chjota xi ñaki tjíojngo kon nga básjai je Niná (Hechos 17:27; 2 Corintios 1:3, 4).