Jngo Chjotaxá xi koatexoma ngakjijnda Sonʼnde

Jeme kʼoéjna jngo chjotaxá xi koatexoma ngayeje Sonʼnde. A meli jchai ʼyá chjotaxáni... Jéní Chjotaxále Niná. Naskánasichon ngayeje Sonʼnde. A meli jchasai xi tʼatsʼe Chjotaxá jebi...

A ʼyaní jmeni xi sʼín jngo chjotaxá. Jngo ʼnde batéxomale. Je Chjotaxále Niná kʼoati tíjna jngo xi séjnatítjonle. A ʼyaní ʼyani... Jé Jesús. Yaa ngʼajmi tíjna kʼoa jeme koatexomason ngayeje sonʼnde. Tonga a ndasʼin koatexoma je Jesús. A tsjoa sʼe̱ná kʼianga koatexoma i̱ Sonʼnde, jósi ngái ji...

Jaon, nʼio tsjoa sʼe̱ná kʼianga jeʼndenaxó koa̱n je Sonʼnde nga tsín tisʼe̱ni kjoajchán. Je chjota alikui tiskaanni. Aliʼya xi tichʼin sʼe̱nile kʼoa aliʼya xi tikuiyáni. Je chjota xi xka̱ ndʼaibi koa̱ntsennile, je chjota xi jtaya kjuinrʼoéni. Je xi tsín ma fi koaan koaini kʼoa koaan skíngʼa. Nʼio sʼe̱le tsojmi xi ma chine chjota. Je cho̱ alikui titsʼen koa̱nni kʼoa saʼnda koaan si̱skákoaa. Kʼoa je chjota xi jekʼien kjoaʼáyanile. Tobʼelañá, kjoaʼáyanile je Rebeca, Rahab, David, Elías kʼoa nkjínsa chjota kjoaʼáyale. A meli jchai chjota jebi...

Je Jeobá nʼio tsjoakeli kʼoa mele nga tsjoa katasʼeli. Chótʼayasai xi tʼatsʼe kʼoa titjosonlai jmeni xi tso. Kʼiatsa kʼoasʼiain, kuijnaní ngantsjai nichxin ya ʼndenaxó xi sʼa nroa. A meli nga ya kuijnai ya ʼNdenaxó...