KJOAʼMIYA 20

Jósʼin tjínndajin ya jinjtín

Koaan chʼasjai

Je Jeobá alikui tsjoake je kjoasi (1 Corintios 14:33). Kuinga síxá chʼin chʼinni je naxinandále. Jósʼin tjínndajin ya jinjtín. Jméni xi sʼiaan nga nda katamaxá.

1. ʼYáni xi séjnatítjonle je jtín

Jé “Cristo ngʼajko̱le naxinandále” (Efesios 5:23). Je Jesús yaa tjen ngʼajmi bándiaanile je xá xi sʼín je naxinandále Jeobá jngo tjíjtsa Sonʼnde. Jé kiskoéjin je “choʼnda xi nʼiotʼakon xi nda be xá”. Chjota jebi tojngo jao mani, jetjínle kjoafaʼaitsjen kʼoa kʼoati Cuerpo Gobernante ʼmile (tʼexkiai Mateo 24:45-47). Tojo kisʼin je pastro kʼoa kao je chjotajchínga xi tsakatio ya Jerusalén kʼianga siglo 1, je Cuerpo Gobernante jé bándiaale je jtín xi tjío jngo tjíjtsa Sonʼnde (Hechos 15:2). Chjota jebi ali tsa jejin nyatítjonle je naxinandále Jeobá. Jé Jesús sítjosonle kʼoa jé Jeobá bándiaale nga̱ yaa Biblia bʼangini jmeni xi sʼín.

2. Jmé xá xi sʼín je xi chjotajchínga sʼin tjío ya jinjtín

Je xi chjotajchínga ma jé xi jekjoatse nga tjíosíxále je Niná, kui xá sʼín nga binyakao, nga tsjoánganʼiole kʼoa nga tsoyale Énle Niná je xi tjío ya jinjtín. Kʼoa alikui machjíle nga kʼoasʼín. I ʼmile je xi chjotajchínga sʼin tjío: “Ali kao kjoanʼiojin nikuindao, tokao kjoandano kʼoasʼiaon. Ali tʼatsʼe xi kuinje̱no xi chʼao tjín, tokao kjoatsjoa kʼoasʼiaon” (1 Pedro 5:1, 2). Je xi siervo ministerial ma, jé binyakao je xi chjotajchínga sʼin tjío, kʼianga jemale je xá xi sʼín chaan kʼoati chjotajchínga sʼin batio tsanda je.

Jé Cuerpo Gobernante kjoéjin kʼa je xi chjotajchínga sʼin tjío nga superintendente xi tsʼe circuito katama. Je superintendente xi tsʼe circuito nkjín jtín síxatʼa, tsjoánganʼiole kʼoa kʼoatsole josʼin sixá. Kʼoati je binyánda je xi chjotajchínga sʼin batio kʼoa kao je xi siervo ministerial sʼin batio, kʼoa kui kuenta sʼín tsa jetjíosítjoson jmeni xi tso je Biblia (1 Timoteo 3:1-10, 12; Tito 1:5-9).

3. Jméni xi sʼín nga jngó jngó je testigole Jeobá

Ngatsʼi xi bichó ya jinjtín bʼasjengʼaa “je jaʼaínle Jeobá” kʼianga tsjoá comentariole, nga se kʼoa nga tsjoá kjoanokjoaya. Kʼoati je jaʼaínle Jeobá bʼasjengʼa kʼianga tsoyason jokji tjen kʼoamale (tʼexkiai Salmo 148:12, 13).

KATAʼYASAI JME XI TÍNCHJA̱NI

Jókjoan je Jesús je xi séntítjonná, jósʼin kjenngi choa̱le Jesús je xi chjotajchínga sʼin tjío kʼoa jósʼin kʼoainganʼiolee je Jesús kao xi chjotajchínga sʼin tjío.

4. Nda chjota Jesús je xi séntítjonná

Je Jesús kʼoatsoná josʼiaan. Tʼexkiao Mateo 11:28-30 kʼoa cho̱bayaño jebi:

Jókjoan je Jesús xi séntítjonná kʼoa jósʼin mele nga katasʼe tokoán.

Jósʼin fitjenngi je choa̱le Jesús je xi chjotajchínga sʼin tjío. Chótsenlao VIDEO.

VIDEO: Josʼin kitsjoanganʼio xi chjotajchínga sʼin tjío kʼianga jaʼa cháon ya Nepal (4:56)

Ya Biblia kʼoatso jotjínnele sʼin je xi chjotajchínga sʼin tjío.

Tʼexkiao Isaías 32:2 kao 1 Pedro 5:1-3 kʼoa cho̱bayaño jebi:

Jósʼe tokuin nga ʼyai nga kʼoati sʼín je xi chjotajchínga sʼin tjío jokisʼin je Jesús nga tsakasenkao xi kjaʼaí.
Jósasʼin kjenngi je choa̱le Jesús je xi chjotajchínga sʼin tjío.

5. Jé batíoná choa̱ je xi chjotajchínga sʼin tjío

Jósʼin mele je Jesús nga katabekon xi chjotajchínga sʼin tjío je xá xi sʼín. Chótsenlao VIDEO.

VIDEO: Jon tatio choa̱ xi chjotajchínga sʼin tiyo (7:39)

Je Jesús kʼoakitso jotjínnele sʼin je ndsʼee xi bándiaale je jtín. Tʼexkiao Mateo 23:8-12 kʼoa cho̱bayaño jebi:

Jótso je Biblia, jótjínnele koa̱nkjoan je xi chjotajchínga sʼin tjío. A kʼoasʼín je naʼmi kʼoa tsa je xi nyatítjonle religión xi kjaʼaí jokitso Jesús.

A. Sén: Jngo xi chjotajchínga sʼin tíjna tíkotʼaya Biblia kʼoa kʼoati tíbasenkao je xi tjío yaniʼyale. 1. Títjon kjoanla tíbʼétsʼoa nga skótʼaya Biblia. 2. Je kʼoa kao chjoónle tjíotsoyale tsotiʼndíle.

B. Ndsʼee jebi kao chjoónle jé fikotsenle jngo tichjaa xi ya hospital kijna.

Je xi chjotajchínga sʼin tjío kotʼaya je Biblia ánni nga nʼio satíoni kjoamakjainle kʼoa kʼoati binyakao je xi tjío yaniʼyale nga kʼoati katasʼín
Je xi chjotajchínga sʼin tjío mandosinle ngatsʼi xi tjío ya jinjtín
Je xi chjotajchínga sʼin tjío kjitʼaa tsoyason
Je xi chjotajchínga sʼin tjío bakóyaa ya jinjtín. Sítsjee ya Ndʼia jña chotʼayá kʼoa kʼoasʼín tsa jmesa xá xi tjín

6. Binyakaoñá je xi chjotajchínga sʼin tjío

Je Biblia kʼoatsoná anni nga tjínnenile si̱tjosonlee je xi chjotajchínga sʼin tjío. Tʼexkiao Hebreos 13:17 kʼoa cho̱bayaño jebi:

Ánni nga kʼoatsoni Biblia nga tjínnele si̱tjosonlee kʼoa nangi kuiyolee je xi chjotajchínga sʼin tjío. A ndatjín tsa kʼoasʼiaan. Ánni.

Tʼexkiao Lucas 16:10 kʼoa cho̱bayaño jebi:

Ánni nga nʼio chjínile nga si̱tjosonlee je xi chjotajchínga sʼin tjío ninga kʼoasʼin si̱kjaʼaitsjeen nga tsín nʼio tjínle kjoandosin jmeni xi tjíotsoná.

TJÍNKʼA XI I̱ TSO: “Likui kjoanla machjén nga jngo religión kuiyojiaan”.

Jósingái ji, jósʼin basenkaoná kʼianga jngo jtín biyojiaan.

XI KACHOTʼAYÁ

Jé Jesús xi jko̱ tíjnale je jtín. Kʼoa je xi chjotajchínga sʼin tjío sítjosonle je Jesús, kʼoa ñá kao kjoatsjoa binyakoaa je xi chjotajchínga sʼin tjío nga̱ jé síkuindaná kʼoa batíoná choa̱ xi kjuintjenngiaa.