KATAMALI JOSʼIN CHJA̱KAONAJMÍ CHJOTA
Hech. 8:30, 31
KJOAʼMIYA 2
Ali tokjoan Énle Niná chjakaoni
Texto: “Jngo én xi kʼiakjoan nokjoaa nga machjén kjaínga nda síkao je xi nrʼoé” (Prov. 15:23).
Jokisʼin Felipe
1. Chótsenlai VIDEO, kʼoa tsa maije̱ tʼexkiai Hechos 8:30, 31. Xijekoa̱n, chótʼayajin kjoachjonangi jebi:
Jósʼin tsakʼétsʼiakao Felipe nga tsakjákaonajmí je chjota etíope.
Jómani ʼyaa nga tsín tsa to jetjínjinkon Felipe jmeni xi kitso nga tsakjákaonajmí je chjota etíope kʼoa nga tobijbi kui tsakjákaoni jme xi tso Énle Niná.
Jméni xi bakóyaná jokisʼin Felipe
2. Kʼiatsa tsín tokjoan Énle Niná chja̱kaoñá je chjota, ngisajin kuitso kon nga kuinchja̱najmí kʼoa ngisajin nda kjuinrʼoéná.
Chjénngi choa̱le Felipe
3. Kuenta tʼiain josʼín je chjota. Jóbá nkjaín, jótso kʼoa a mele kuinchja̱najmí. Jngo koya josʼin koa̱n kʼoétsʼiakoai kʼianga chja̱koai, koaan i̱ kʼuínlai: “A ʼyaní nga. . . ”. Tsa tsín mele kuinchja̱ ali kjoanʼiojin bʼenelai.
4. Chóyakaolai. Ali tokjoan Énle Ninájin chjakaoni je chjota. Kʼia kui chja̱kaoni nga bele tokuin kʼoa bijbi kui cha̱nisʼenjin nga tichobanajmío. Tsakui nichxin kʼia kui chja̱kaoni saʼnda nga sa̱téjin ijngokʼai.
5. Kuenta tʼiain jokuitso. Likui ʼyaa jme xi kjoakaoniná je chjota nga tichjakaonajmiá. ʼNdele nga kui koakolai texto xi jetíjnandali, tosa kui chja̱kaoni jmeni xi mandosinle je chjota.
KʼOATI CHÓTSENLAI
Ecl. 3:1, 7; 1 Cor. 9:22; 2 Cor. 2:17; Col. 4:6