Jósʼiaan nga ndasa kʼuínyasoán: chja̱kaonajmiá chjota tojñani nga titsomaa

Ánni nga nʼio chjísínile nga kʼoasʼiaan. Kʼianga xki̱ niʼya ʼmiyasoán nkjín chjota xi tsínkʼia tsaojiaan ya niʼyale. Tonga tsakui nichxin kʼia jtsaojiaan nga karro tiyoyá, nga tsʼe chjinexki tiyoaa, tsa ya tʼaxáná, tsa ya ndʼiaskuela kʼoa tsa jñasani. Xi mele Jeobá kuiní nga ngatsʼi chjota katanrʼoé je Énle (1 Tim. 2:3, 4). Tjínnená ñá títjon kuinókjoalee je chjota nga chja̱kaonajmiá xi tʼatsʼe Énle Niná.