Takui kjoanda

Jokisʼin Jesús

VIDEO: Je Jesús jngo chjota xi xka̱ kisindaya

1. Chótsenlai VIDEO, kʼoa tsa maije̱ tʼexkiai Juan 9:​1-7. Xijekoa̱n, chótʼayajin kjoachjonangi jebi:

1. Jméni xi títjon kisʼin je Jesús, a jé títjon chjota kisindaya axo Énle Niná títjon kitsoyale (tʼexkiai Juan 9:​35-38).

2. Ánni nga kinrʼoéni chjota jebi nga tsakjákao Jesús.

Jméni xi bakóyaná jokisʼin Jesús

2. Ngisaa nda nrʼoéná je chjota kʼianga bakoá nga mandosinná xi tʼatsʼe.

Chjénngi choa̱le Jesús

3. Tijinlai yaoli jotjín kon chjota.

1. Tikjaʼaitsjain: “Jméni xi makjáojinle. Jméni xi koasenkao”. Tsa kʼoasʼiain kui xi koasenkaoli nga ñaki ni̱ma̱li kjuinroajinni nga koakolai kjoanda.

2. Kʼia tsakui kʼoeyanajmíli jotjín kon kʼoa tsa jme kjoa xi tífaʼatojin, nda tinóʼyalai, ánni nga skoe̱ni nga mandosin kjoaixili jme xi tíbʼéyanajmí.

4. Nda tso én chja̱koai kʼoa takolai kjoaxkóntokon. Kʼianga mamachaa jngo chjota kʼoa tsa mená kuisenkoaa nda tso én nokjoakoaa. Kuinga machjénsíni nga ndakjoan chósonnilai jme xi sí kʼoa jótso én si̱chjain. Alikuijin kʼoaʼmilai xi tsín nda kʼoee kon je chjota.

5. Tisenkoai je chjota. Tisenkoai kʼiatsa nganʼio machjénle. Kʼianga bakolee kjoanda je chjota sakʼoa kui xosíkao nga mamele nchja̱najmí.