Tijinlai yaoli jotjín kon je chjota

Jokisʼin Jesús

VIDEO: Je Jesús mamake chjotankjín

1. Chótsenlai VIDEO, kʼoa tsa maije̱ tʼexkiai Marcos 6:​30-34. Xijekoa̱n, chótʼayajin kjoachjonangi jebi:

1. Ánni koanmenile Jesús kao chjotatjenngile nga xin ki.

2. Ánni kitsoyanile Jesús je chjotankjín.

Jméni xi bakóyaná jokisʼin Jesús

2. Kʼianga nikjaʼaitsjeen jotjío kon je chjota, mamachañá kʼoa ali tokuijin xi nʼia nga ʼmiyalee.

Chjénngi choa̱le Jesús

3. Tinóʼyalai jokuitso je chjota. Tʼaiʼndelai nga katanchja̱, ali jijin nokjoachjoalai. Kʼiatsa kui kʼoeyanajmíli je chjota jotjín kon kʼoa jme xi makjáojinle, tinóʼyalai. Tsa kʼoasʼiain, skoee nga mandosin kjoaixili jme xi títso.

4. Tikjaʼaitsjain xi tʼatsʼe. Kuenta tʼiain jme xi kichobayaño kʼoa tikjaʼaitsjain:

1. “Ánni machjénsíni nga skoe̱ chjota jebi jotjínni xi tʼatsʼe Niná”.

2. “Jósʼin koasenkao ndʼaibi kao nichxin xi sʼa nroa tsa skótʼaya Biblia”.

5. Kui tʼinyalai jme xi koasenkao je chjota. Tʼinya ndi̱to̱nlai josʼin basenkaoná nga chotʼayá Biblia kʼoa nga ya faʼaitʼa jme xi chjonangilee yaoná.