TʼINCHÓN NGINDIALAI
Hech. 19:8-10
KJOAʼMIYA 7
Tosi tonda tisenkoai chjota
Texto: “Nitokʼiajin tsakatiojyo nga tsakakóya, kʼoa nga kinchja̱ya” (Hech. 5:42).
Jokisʼin Pablo
1. Chótsenlai VIDEO, kʼoa tsa maije̱ tʼexkiai Hechos 19:8-10. Xijekoa̱n, chótʼayajin kjoachjonangi jebi:
Ningalani tjínkʼa chjota xi tsín kinrʼoé, jósʼin ʼyañá nga tsín kisixa̱nle Pablo kʼoa nga tosi tonda tsakasenkao je chjota xi koanndosinle Énle Niná.
Jótjín kʼa tsakjákao Pablo je chjota xi koanndosinle Énle Niná kʼoa jókji tse kʼoakisʼin.
Jméni xi bakóyaná jokisʼin Pablo
2. Kʼiatsa mená kjuinni̱xatʼa ijngokʼá chjota kʼoa tsa estudio kʼoailee machjén nga si̱kʼayalee nichxin kʼoa nga kʼoénelee yaoná.
Chjénngi choa̱le Pablo
3. Kʼoachon tʼinchónlai jochon kuitsoli. Tikjaʼaitsjain: “Kʼiáni kʼoakoa̱nle nga cho̱banajmíjin. Jñáni mele ska̱jinjin”. Tʼinchónlai ninga ñʼai koa̱nli kʼiani nga kuitsoli.
4. Chjónangilai kʼiáni koa̱n kʼuínchon ijngokʼalai. Nga kuichochonlai kʼoatʼinlai jmé nichxinni kʼoa jmé horani kuichochon ijngokʼalai kʼoa tʼin jochon kachobaño, ali chajinjinli.
5. Tosi tonda tʼinchónlai. Kʼiatsa tsín sa̱téjin kʼoa tsa tsín ale nga kuichochonlai, ali kʼoajinsʼin nikjaʼaitsjain nga tsín mandosinle (1 Cor. 13:4, 7). Ntsjaintsjai tʼin ninga tsín ska̱jin, kʼoa tjasjailai ʼya xi koa̱n chja̱kaonajmí ánni nga tsín to nichxinli si̱chani (1 Cor. 9:26).
KʼOATI CHÓTSENLAI
Hech. 10:42; 1 Cor. 9:22, 23; 2 Cor. 4:1; Gál. 6:9