Tsejta katamai

Jokisʼin Jesús

VIDEO: Je Jesús ngasin nganda tsakasenkao je ndsʼe̱

1. Chótsenlai VIDEO, kʼoa tsa maije̱ tʼexkiai Juan 7:​3-5 kao 1 Corintios 15:​3, 4, 7. Xijekoa̱n, chótʼayajin kjoachjonangi jebi:

1. Nga títjon jókitso je xtindsʼe̱ Jesús.

2. Jómani ʼyaa nga tosi tonda tsakasenkao Jesús je Santiago xi ndsʼe̱ koan.

Jméni xi bakóyaná jokisʼin Jesús

2. Machjén nga tsejta koaan, nga̱ tjínkʼa chjota xi ñʼai majinnile jotso je Énle Niná.

Chjénngi choa̱le Jesús

3. Sakʼoa tikʼantjaiyai jotʼinlai. Tsa tsín mele nga estudio kʼoailai, ali kjoanʼiojin bʼenelai. Tsa bele tokuin koaan takolai video kʼoa tsakuije̱ xo̱n xi nichjén, ánni nga skoe̱ni josʼin ʼmiyalee chjota kʼoa jósʼin koasenkao tsa skótʼaya Biblia.

4. Aliʼyajin xi ningósonkoai. Kjaʼaí kjaʼaí sʼín chjota. Tsa jngo xíngi kʼoa tsa jngo chjota xi to jao tjínle nga skótʼaya Biblia, tikjaʼaitsjain ánni kʼoatjínni kon. A kui nga nʼio tjentʼale costumbre xi tjín. A kui nga besin je xínkjín kʼoa tsa je chjota ndaindʼiale. Katafaʼatola choatse ánni nga katasíkjaʼaitsjenjinni kʼoa katabechjíni jme xi kaʼmilai.

5. Tʼetsʼoalai Jeobá jósʼiain. Kʼoatʼinlai Jeobá nga katabasenkaoli nga ngasin nganda chja̱koai chjota jebi kʼoa nga kʼoasʼin si̱kjaʼaitsjain nga chan skótʼaya. Tijélai nganʼio je Jeobá ánni nga koa̱njinnili kʼiáni nga tosa tsín tikʼuínchonnilai chjota xi tsín nanda mandosinle Énle Niná (1 Cor. 9:26).