Jósʼiaan nga ndasa kʼuínyasoán: si̱chjén je video nga koakoyaa Énle Niná

ÁNNI NGA NʼIO CHJÍSÍNILE NGA KʼOASʼIAAN:

Je video ngisa bichótsaojin ni̱ma̱le je chjota nga kotsenle kʼoa nga nrʼoé kaonile. Ngisa kuenta sʼín kʼoa likui ndi̱to̱n chajinle. Jeobá nʼio nda choa̱ tsakʼéjnaná kʼianga tsakakóya, sén kisichjén xi tsabeni xko̱n chjota (Hch 10:9-16; Ap 1:1).

Je video A tjínle jaʼaín je Niná, ʼYá tsʼe én xi nya Biblia kʼoa kao Ánni nga koa̱n koa̱nkjainsíniná nga ñaki kʼoatjín jotso je Biblia yaa majngokao jmeni xi faʼaitʼa ya kjoaʼmiya 2 kao 3 xi tsʼe foyeto Énnda chjotse. Je video Ánni nga machjénsíni nga chótʼayai Biblia, Jósʼin ʼmiyalaijin Biblia je chjota kʼoa kao Jméni xi ma kʼianga biyojtínjin koasenkao je chjota nga skótʼaya je Biblia kʼoa nga koai je kjoajtín. Xi ijngosani, je pelíkula kao video xi tjíoná koaan chótsenlee kao je chjota xi tiʼmiyalee kʼianga tibʼailee estudio (km 5/13 p. 3).

JÓKOA̱N SʼIAAN:

• Tongini chʼa̱jain je video xi meli koakolai je chjota xi ska̱jin.

• Tsa jngo kʼoa tsa jao kjoachjonangi xi tiya tsoyani je video tikatíondai xi koa̱n chjónangilai je chjota.

• Chótsenlao je video.

• Cho̱bayaño jmeni xi ngisa nʼio tínchja̱ni je video.

I̱ TʼIAIN:

• Takolai chjota ya jto̱n yátsʼi̱n tratado kʼoa takolai je código xi faʼaitʼa xi ya bichókaoná jña tíjna je video Ánni nga machjénsíni nga chótʼayai Biblia.

• Takolai chjota je video Ánni nga koa̱n koa̱nkjainsíniná nga ñaki kʼoatjín jotso je Biblia kʼoa tʼailai je foyeto Énnda chjotse. Takolai ya kjoaʼmiya 3.