JONʼIA XI CHJOTALE CRISTO MAA
Si̱chjén video kʼianga kʼuínyalee je xi tibʼailee estudio
Jmeni xi kao xkoaan ʼyañá ngisaa nda sʼejintokoán, ngisaa majinná kʼoa ngisaa faʼaitsjenná. Je Jeobá kui kisichjén jmeni xi ñaki xko̱n tsabeni je chjota nga kitsoya jmeni xi nʼio tjínle kjoandosin (Gé 15:5; Jer 18:1-6). Je Jesús kʼoati kui kisichjén kʼianga kitsoya (Mt 18:2-6; 22:19-21). Jmeni xi ngisa nʼio nichjén ndʼaibi kui je video. A nichjénñá kʼianga bakoyalee je chjota xi bʼailee estudio.
Ndʼaibi, 10 mani video xi tjíoná xi ya yʼangini kjo aʼmiya xi faʼaitʼa je folleto Énnda chjotse xi tʼatsʼe Niná tínroani. Tjíokʼa video xi mangóson jotso je kjoachjonangi xi jma kjoan xi ya faʼaitʼa je folleto. Kʼoati faʼaitʼa ya página xi tíjnaná ya Internet xi tikuini folleto xi kʼoatsoná kʼiáni koa̱n si̱chjén video. Tonga kʼoati nkjínsa video tjío xi koa̱n si̱chjén kʼianga kʼuínyalee je chjota.
Kʼiatsa ñʼai majinle jmeni xi tiʼmiyalai je chjota kʼoa tsa kjoa tífaʼatojin, koaan koakolai je video xi faʼaitʼa ya página xi tíjnaná ya Internet jw.org® kʼoa tsa maije̱ ya JW Broadcasting®. Koaan ñatjen chótsenlao je video kʼoa chótʼayajion.
Xki̱ sá satío je video xi sʼa chjotse. Kʼianga chótsenlai je video kuenta tʼiain jósʼin koa̱n si̱chjain kʼianga kʼuínyasuin.