Én xi choa ñʼai tso tichjain

Jokisʼin Jesús

VIDEO: Je Jesús jngo choa̱ kisichjén nga kitsoya nga síkuindaná je Jeobá

1. Chótsenlai VIDEO, kʼoa tsa maije̱ tʼexkiai Mateo 6:​25-27. Xijekoa̱n, chótʼayajin kjoachjonangi jebi:

1. Jmé choa̱ kisichjén Jesús nga kitsoya nga síkuindaná je Jeobá.

2. Ninga nʼio be Jesús xi tʼatsʼe nise, ánni nga tokui kisikʼaxki̱ni jmeni xi sʼín. Ánni nga nda kichomani nga kʼoasʼin kitsoya.

Jméni xi bakóyaná jokisʼin Jesús

2. Tsakui én xi choa ñʼai tso si̱chjén kjoaʼaítsjenle je chjota jme xi kʼuínyalee kʼoa kuichokajin ni̱ma̱le.

Chjénngi choa̱le Jesús

3. Ali tojijin nokjoai. ʼNdele nga kʼuínyayejelai jmeni xi ʼyai tʼatsʼe xi tichobayaño tosa tokui tikʼaxki̱ jmeni xi tso je xo̱n xi tichotʼayao. Kʼianga jme xi chjónangilai chóyakaolai nga kʼoakatatso. Tsa tsín be jokuitso kʼoa tsa tsín kʼoatjín jme xi kuitso, tatiosalai kjoachjonangi ánni nga chan koa̱njinnile jme xi tichotʼayao. Kʼianga jekoa̱njinle kʼia chótʼayao xi fisani.

4. Tikʼaxki̱ ijngokʼalai jmeni xi jebe je xi tibʼailai estudio ánni nga ngisa nda koa̱njinnile jme xi sʼa kʼuínyalai. Tobʼelañá, tsakuilani kʼuínyalai xi tʼatsʼe kjoafaʼáya, koaan si̱kjaʼaitsjenjin ijngokʼalai joma kʼianga jebiyaa.

5. Nda tikjaʼaitsjain je choa̱ xi si̱chjáin. Tsa jngo choa̱ si̱chjáin, tikjaʼaitsjain jebi:

1. “A tsí ñʼai tíjna choa̱ jebi”.

2. “A koa̱njinle je xi titsjoale estudio”.

3. “A kjoaʼaítsjenle jme xi tixinyale axo tokui kjoaʼaítsjenle je choa̱ xi sichjén”.