JMENI XI CHJONANGIAA XI TʼATSʼE BIBLIA

Jókji je Niná

Je Niná espírituní, alikui matsen. Jé kisinda ngʼajmi, Sonʼnde kʼoa kao ngayeje jmeni xi tjíokon. Tonga je Niná aliʼya xi kisinda, alikui kitsʼia je kjoabijnachonle (Salmo 90:2). Je Niná kui xi mele nga kjoásjee kʼoa nga kataʼyaa jokjoantjínni xi tʼatsʼe. (Tʼexkiai Hechos 17:24-27.)

Je Niná tjínle jaʼaín kʼoa koaan jchaa jokjoan kʼiatsa chótsenlee jmeni xi kisinda (Romanos 1:20). Tonga nga ngisasa nda jchaa je Niná tjínnele nga chótʼayá je Biblia. Kʼoasʼin jchañá jokjoan. (Tʼexkiai Salmo 103:7-10.)

Jómale je Niná kʼianga be jmeni xi tsín kixi kjima

Je Jeobá jtike jmeni xi tsín kixi kʼoa kʼoasʼin kisinda je chjota nga kʼoati skénngile jokjoan (Deuteronomio 25:16). Kuinga kʼoati jtichasíñá tsanda ñá jmeni xi tsín kixi kjima. Ali tsa jejin Niná tjínle jée jmeni xi kjima. Je Niná títsjoáʼndele je chjota nga je katakjoéjin jmeni xi mele sʼin, tonga nʼio nkjín chjota xi tsín nda tjíosíchjén kjoandaí xi tjíobʼaile kʼoa kui kʼoasʼín xi chʼaotjín. Je Jeobá nʼio aon male kʼianga kʼoasʼín je chjota. (Tʼexkiai Génesis 6:5, 6 kao Deuteronomio 32:4, 5.)

Je Jeobá kui tsjoake xi kixi tíjna. Kuinga kjoaʼaxinsíni je kjoatsʼen xi tjín (Salmo 37:28, 29). Ya Biblia kʼoatso kʼianga kjoaʼaxin jmeni xi tsín kixi kjima. (Tʼexkiai 2 Pedro 3:7-9, 13.)

Tsa mesali jchai tʼatsʼe jebi, chótʼajin ya kjoaʼmiya jngo xi tsʼe libro Jmé kjoanni xi bakóya je Biblia. Jé testigole Jeobá bʼasje

Kʼoati faʼaitʼa ya Internet ya www.jw.org/mau

[Sén xi faʼaitʼa ya pájina 32]

Je Biblia kʼoatso nga ñaki kjoatéxomakixi sʼe̱ jngo tjíjtsa Sonʼnde kʼoa jé Niná xosʼin