JMENI XI CHJONANGIAA XI TʼATSʼE BIBLIA

Jmé xá koanndani je Sonʼnde

Je Sonʼnde nʼio nda sʼin kisʼenda kʼoa ma batiokon je xi kjoabijnachon tjínle. Tse nandá tjínle nga̱ kui xi nʼio machjénle je xi tjíokon. Kʼoa josʼin tíjna je Sonʼnde, josʼin tíbʼatji kui basenkao je ndáchikon nga tsín mala̱jao̱ kʼoa nga tsín xiya. Je Sonʼnde kui tjínle xi atmósfera ʼmi kʼoa kao xi campo electromagnético ʼmi xi basenkaoná nga tsínkui bakáná je lʼí xi bʼasje je Tsʼuí kʼianga tsinngatʼa. Saʼnda je cho̱, je yá kʼoa kao naxó kʼoati ñaki nda sʼin kisʼenda kʼoa kui xi basenkao je sonʼnde nga ma biyoñá. Kʼianga be xi tʼatsʼe jebi, nʼio nkjín chjota xi kʼoasʼin makjainle nga tsín tokjoatjao kisʼenda je Sonʼnde. (Tʼexkiai Isaías 45:18.)

Tonga tjínkʼa chjota xi kjonangi tsa je Niná xi kʼoasʼin koanmele nga kjoachjaʼatokon tjín i̱ Sonʼnde kʼoa nga tsín kixi jme xi kjima. (Tʼexkiai Deuteronomio 32:4, 5.)

A kuitjoson jme xá koanndani je Sonʼnde

Je Sonʼnde kui xá koanndani nga chjota koatio kʼoa nga ñaki tsjoa satíole, nga skoe̱xkónngañá xínkjín kʼoa nga tsjoake koa̱n je xi kisinda. Kui xi tsoyanile nga tsín tokjoatjao koannda je chjota kʼoa nga ngisa ngʼa tjío tikʼoajinni je yá kao naxó kʼoa kao cho̱. Nga̱ ñá xi chjotaa, majinná ʼyani xi kisindaná kʼoa koaan chʼa̱sjengʼaa kʼoa chjénngilee je kjoatsjoachale kʼoa kao kjoakixile. (Tʼexkiai Eclesiastés 12:13 kao Miqueas 6:8.)

Je Niná, je xi kisindaná, koaanle sitjoson ngayeje jmeni xi tso, kʼoa kuinga tsín jao tjínsíniná nga kuicho nichxin nga kjoaʼaxin je kjoachjaʼatokon xi tjín kʼoa kao xi tsín kixi tíjna, je sonʼnde ñaki niʼyaná koa̱n kʼoa naskánasʼin kuiyoaa. (Tʼexkiai Salmo 37:11, 29 kao Isaías 55:11.)

Tsa mesali jchai tʼatsʼe jebi, chótʼajin ya kjoaʼmiya jan xi tsʼe libro Jmé kjoanni xi bakóya je Biblia. Jé testigole Jeobá bʼasje

Kʼoati faʼaitʼa ya Internet ya www.jw.org/mau

[Sén xi faʼaitʼa ya pájina 32]

Je Sonʼnde kui xá koanndani nga niʼyale koa̱n je chjota kʼoa nga ñaki tsjoa sa̱tío kon