JMENI XI CHJONANGIAA XI TʼATSʼE BIBLIA

A chan likui tima̱ si̱jcháñá yaoná

Jngo chjoón xi títsoakjá tsotiʼndíle kʼoa jngo chxoa̱ xi tokjitia yʼatonntsja — Jósʼin koasenkaoná Niná nga ma̱ tinijchá yaoná (Mateo 6:9, 10)

Nga xki̱ nó miyón chjota biya xi totʼatsʼe chʼin kʼoa nga tsín sokóle jme xi kjine. Ninga tjín ʼnde jñani nyiná chjota, nʼio nkjín xi ma̱ tjíosíjchá yaole. Ya Biblia kʼoatso nga tjínntsjai xi ma̱ tjíosíjchá yaole. (Tʼexkiai Juan 12:8.)

Nga tsín tiʼya xi ma̱ sijcháni yaole jngo chjotaxá machjén xi koatexoma jngo tjíjtsa Sonʼnde, xi koa̱nle tsjoále tsojmi ngatsʼi je chjota. Chjotaxá jebi kʼoati tjínnele kjoaʼaxin kjoajchán, nga̱ kui xi nʼio ma̱ síkatío chjota. Je Niná kʼoatso nga tíjna jngole chjotaxá xi kʼoasʼin. (Tʼexkiai Daniel 2:44.)

ʼYáni xi koa̱nle koasenkaoná nga tsín tima̱ si̱jcháñá yaoná

Niná jé ʼNdíle kiskoejin nga koatexomale chjotasonʼnde (Salmo 2:4-8). Jesús koasenkao xi ma̱ tjío, kjoaʼaxin kjoatsʼen kʼoa aliʼya xi titaon jchani. (Tʼexkiai Salmo 72:8, 12-14.)

Je Jesús, xi “Chjotatítjon xi tsʼe Kjoanyʼán” ʼmi, nda sikatíoná kʼoa kjoanyʼán kjoaʼaíkao jngo tjíjtsa Sonʼnde. Nga kʼia, ngatsʼi chjota sʼeele ndʼia kao xá xi tsjoa koaya kon. Kʼoa toxkia sʼeele tsojmi xi ma chine. (Tʼexkiai Isaías 9:6, 7; 65:21-23.)

Tsa mesali jchai tʼatsʼe jebi, chótʼajin ya kjoaʼmiya 8 xi tsʼe libro jebi Jmé kjoanni xi bakóya je Biblia. Jé testigole Jeobá bʼasje

Kʼoati faʼaitʼa ya Internet ya www.jw.org/mau