JMENI XI CHJONANGIAA XI TʼATSʼE BIBLIA

Jméni xi sʼin je Jesús nichxin xi nroaján

Kʼianga nó 33, je Jesús kʼien, jaʼáyanile kʼoa yaa ki ngʼajmi. Kʼoa nga jenkjín siento nó jaʼato nga koanskanni, rey kinikao (Daniel 7:13, 14). Nichxin xi nroaján, kjoanyʼán kjoaʼaíkao i̱ Sonʼnde kʼoa alikui tiʼya xi ma̱ koationi. (Tʼexkiai Salmo 72:7, 8, 13.)

Ñaki tokʼoakoa̱nná jmeni xi sʼin je Jesús kʼianga jekoatexomason i̱ Sonʼnde. Kui sichjén je nganʼio xi kitsjoale je Nʼaile nga chjotatsje sikao ijngokʼani je chjotasonʼnde. Ñaki naskánasʼin koatio i̱ Sonʼnde, alikui tikoa̱njchíngani kʼoa alikui tikuiyáni. (Tʼexkiai Juan 5:26-29 kao 1 Corintios 15:25, 26.)

Jméni xi tísʼín ndʼaibi je Jesús

Jé tíbándiaale chjota tje̱nngile nga kʼoasʼin tíʼmiyason jngo tjíjtsa Sonʼnde. Jé chjotale fisíxatʼa je chjota nga tsoyale jmeni xi tso je Biblia xi tʼatsʼe Chjotaxále Niná. Je Jesús kʼoakitso nga tsjoánganʼiole je chjotale je xá xi sʼin saʼnda nga je Chjotaxále Niná kʼoéjnayangajaonile je chjotaxá sonʼnde. (Tʼexkiai Mateo 24:14 kao 28:19, 20.)

Kʼianga nda tjíobatio je chjota, kui naxinandále Niná tísíchjén je Jesús. Kʼoati je koandiaale saʼnda nga kuichokjetʼa jmeni xi chon je sonʼnde saʼnda nga ʼNdenaxó koa̱n sonʼnde jokitso je Niná. (Tʼexkiai 2 Pedro 3:7, 13 kao Apocalipsis 7:17.)

Tsa mesali jchai tʼatsʼe jebi, chótʼajin ya kjoaʼmiya jin xi tsʼe libro Jmé kjoanni xi bakóya je Biblia. Jé testigole Jeobá bʼasje

Kʼoati faʼaitʼa ya Internet ya www.jw.org/mau

[Sén xi faʼaitʼa ya pájina 32]

Kʼianga jekoatexoma je Jesús kjoaʼaxin jmeni xi tsín kixi kjima i̱ Sonʼnde