Jmé kjoatjao xi koa̱n kʼoailee Jeobá

ÑANDIA kʼianga i̱ kitso je Jesús: “Tongisa ndaní nga kʼoee kaoni tsa nga chjoé” (Hech. 20:35). Je én jebi bitjosonní josʼin tiyoaa xi kao je Jeobá. Ánni kʼoabixónsíñá. kuinga je Jeobá nʼio tse jmeni xi títsjoáná xi tsjoa bʼé tokoán, tonga ngisaa tsjoa sʼe̱ tokoán tsa ñá tjín xi kʼoaikjoatjaolee. Jméni xi koa̱n kʼoailee. Proverbios 3:9 itso: “Chʼa̱sjengʼai Jeobá kao tsojmichjí xi tjíoli”. Tsojmichjí jebi kui je nichxinná, jme xi maná nʼia, nganʼioná kʼoa nga bʼé jme xi tjínná. Kʼianga bʼainganʼioá josʼin tísʼetsʼoale je Jeobá kʼoasʼin bʼaikjoatjaonilee jmeni xi tjínná kʼoa jebi tsjoa bʼé tokoán.

Jmé xi koasenkaoná nga tosi tonda kʼoailee je Jeobá jmeni xi tjínná. Je pastro Pablo kʼoakitsole je xi ya tsʼe naxinandá Corinto nga katabatío tʼaxin choa tao̱n xi tsjoákjoatjao (1 Cor. 16:2). Tsa mesali jchai josʼin nga koa̱n kʼoainganʼiui ya jñani tijnani, chótsenlai je recuadro xi tíjna nangini.

Tjínkʼa naxinandá jñani tsín ma ya Internet nikasénñá je tao̱n. Tonga ya página donate.jw.org tsoya josasʼin koa̱n kʼoee je tao̱n. Tjínkʼa naxinandá jñani tsoya je página jebi jmeni xi chjonangiaa tʼatsʼe josʼin kʼoee je tao̱n.