Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá septiembre

“Nʼio nkjín chjota xi kʼoatso nga kjoaʼaí nichxin kʼianga sijéle kuenta Niná jme xi tjíosʼín. A kuijkónlee nichxin jebi axo kao kjoatsjoa chóyalee, jósi ngái ji. [Tʼaiʼndelai chjota nga katanchja̱.] Koakolale kuitsoñá rebista jebi.” Jngo rebista La Atalaya xi tsʼe 1 de septiembre takolai, kʼoa tʼinyalai je párrafo xi títjon xi faʼaitʼa ya pájina 16. Tʼexkialai ninga tojngo testo xi ya faʼaitʼa. Tjayolai rebista kʼoa kʼoatʼinlai nga kʼuínchon ijngokʼalai nga chótʼayao jmeni xi kjonangi je párrafo xi majaoni.

La Atalaya 1 de septiembre

“Nʼio nkjín ʼnde jñani totaon ʼya je yánchjín kʼoa chʼasjengi. Kʼoa xi tokʼoamaná kuinga sakʼoa tijeni relijión xi kʼoasʼin tjíotsoya. [Tʼaiʼndelai chjota nga katanchja̱.] Kuitsoñá je Biblia josʼin tjínnele skoe̱kon je yánchjín je xi xʼin [tʼexkiai Efesios 5:28, 29]. Rebista jebi kui tsoya jokji chjí bekon Niná je xi yánchjín.”

¡Despertad! Septiembre

“Nʼio nkjín chjota xi kʼoasʼin síkjaʼaitsjen nga chan kjoe je sonʼnde, kuinga kʼoatsoni nga jetíbitson. Tjínkʼa xi kʼoatso nga bomba sikʼatsao chjota kʼoa tsamaije̱ nga jngo la̱jao̱ xi ngʼá kjuinroani ska̱ne sonʼnde. A tjínnele koa̱nkjainná jmeni xi tso chjota tʼatsʼe sonʼnde axo to énní jebi. [Tʼaiʼndelai chjota nga katanchja̱.] Tonga jmeni xi tso Biblia nʼio nda bʼé tokoán [tʼexkiai Salmo 37:29]. Kʼoa je rebista jebi nkjín koya faʼaitʼa josʼin síkjaʼaitsjen chjota jokoa̱n nga kjoe sonʼnde, tonga kʼoati tsoya jmeni xi tso Biblia josʼin koatio chjota nichxin xi nroaján.”